निर्देशन पालना नगरेकोमा समिति मन्त्रालयसँग असन्तुष्ट


प्रकाशित मिति :2015-12-13 15:16:23

चन्द्र बानियाँ

काठमाडौं, मंसिर २७ । व्यवस्थापिका संसद अन्तर्गतको महिला, बालबालिका, जेष्ठ नागरिक तथा समाज कल्याण समितिले दिएको निर्देशन कार्यान्वयन भए नभएको सम्बन्धमा आज महिला, बालबालिका, तथा समाज कल्याण मन्त्रालयसंग स्पष्टिकरण लिएको छ ।

सिंहदरवार स्थिति समितिको कार्यालयमा भएको बैठकमा उपप्रधान तथा महिला बालबालिका तथा समाजकल्याण मन्त्री सी पी मैनालीसहित मन्त्रालयका उच्च अधिकारीलाई बोलाई समितिले, मन्त्रालयर्ला दिइएका महत्वपूर्ण निर्देशनहरू कार्यान्वयन भएको नपाइएको भन्दै छिटो कार्यान्वयनमा ल्याउन पुन निर्देशन दिइएको छ ।

समितिले महिला, बालबालिका र जेष्ठ नागरिक सम्बन्धी विद्यमान ऐनहरूमा आवश्यक संशोधन विधेयकहरू तयार पारी यथासक्य चाडो सदनमा पेश गर्ने व्यवस्था गर्न र राष्ट्रिय तथा अन्तर्राष्ट्रिय गैरसरकारी संस्थाहरूलाई एकद्धार प्रणाली अनुरुप नियमन तथा संचालन गर्ने प्रावधान सहित समाजकल्याण परिषद सम्बन्धी विद्यमान ऐन कानूनलाई समयानुकुल परिमार्जन गरी यथाशक्य चाडो सदनमा पेश गर्ने व्यवस्था गर्न मन्त्रालयलाई निर्देशन दिएको छ ।

यसैगरी समितिले जेष्ठ नागरिक सम्बन्धी ऐन २०६३ को कार्यान्वयन अवस्था तथा जेष्ठ नागरिक र अपाङ्गहरूको संख्या र उनीहरूलाई राज्यले उपलव्ध गराउने भत्तालगायत अन्य सुविधाको रकम सहितको विवरण यथाशिघ्र समितिलाई उपलव्ध गराउन महिला मन्त्रालयलाई निर्देशन दिएको छ ।

समितिको बैठकमा उपप्रधानमन्त्री तथा महिला, बालबालिका तथा समाज कल्याण मन्त्री सीपी मैनालीले मन्त्रालयको क्षेत्र ठूलो र गहन भएपनि महत्व बढाउने गरी कार्य गर्न नसकिएको आफूलाई पनि महसुश भएको बताउनु भयो  ।

प्रकाशित मितिः २०७२ मंसिर २७ गते अाईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: