साउदीका महिलाले गरे पहिलाेपटक मतदान


१८ जना महिला निर्वाचित

प्रकाशित मिति :2015-12-14 15:05:16

एजेन्सी, मंसिर २८ । स्थानिय निकायकाे निर्वाचनमा साउदी अरवको इतिहासमै पहिलो पटक महिला उम्मेदवार हुनका साथै  महिलाले मतदान गरेका छन् ।   त्यहाँ भर्खरै भएको नगर परिषदको निर्वाचनमा अहिलेसम्म १८ जना महिला निर्वाचित भएको नतिजा बाहिर आएको छ ।

उक्त नगर परिषदको निर्वाचनमा ९ सय भन्दा बढी महिला र लगभग ६ सय पुरुषले प्रतिस्पर्धा गरेका थिए। सल्मा बिन्ट हीजाब ओटिइबी मद्राख नगरमा निर्वाचित भएर साउदीको प्रथम महिला काउन्सिलर बन्न सफल भएकी छन्।

शनिवार भएको साउदीको उक्त निर्वाचनलाई धेरैले ऐतिहासिक क्षण भनेका छन् । उक्त निर्वाचनको मतदानका लागि १ लाख ३० हजार महिलाले नाम दर्ता गरेका थिए।

साउदीका महिलाले अहिले पनि सार्वजनिक स्थानमा जाँदा बुर्का लगाउनु पर्दछ । पहिलो पटक मतदान गर्न पाएका यहाँका महिलाले सवारी साधन चलाउन भने पाउँदैनन् ।

C1

 मतदान गरेर फर्किदै गरेका महिलाले  डीएफए न्युज एजेन्सीसँग भने  ‘मतदान गर्न पाउँदा हामीलाई साह्रै खुसी लागेको छ । अब महिलाको भविष्य प्रति पनि हामी आशावादी छौं ।’

 साउदीकी महिला अधिकारकर्मी  हातुन अल फासी भन्छिन् ‘यो साउदीका महिलाका लागि नयाँ दिन हो।’ महिलालाई भोट दिने अधिकार दिए तापनि निर्वाचनका झन्झटिला प्रक्रियाले गर्दा चुनावमा महिलाको सहभागिता त्यति सन्तोषजनक नभएको त्यहाँका सञ्चार माध्यमहरूको भनाइ छ ।

मतदानका लागि राष्ट्रिय परिचय पत्र र त्यहाँको बासिन्दा हुँ भनेर मतदाताले प्रमाणपत्र अनिवार्य देखाउनु पर्ने प्रावधान राखिएको हुँदा धेरै महिला सहभागी हुन सकेनन् । किनकी त्यहाँका महिलाले अहिलेसम्म परिवारको परिचयका आधारमा काम चलाउने गरेका छन् । त्यहाँ धेरै महिला अहिलेसम्म राष्ट्रिय परिचयपत्र विहिन छन् ।

प्रकाशित मिति २०७२ मंसिर २८ गते सोमवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: