स्वास्थ्य विषय पढाउन महिला शिक्षकको माग


प्रकाशित मिति :2015-12-15 14:45:11

महिला खबर

नेपालगन्ज, मंसिर २९ । बालबालिका र युवाआमाहरूको स्वास्थ्य सवाललाई मध्यनजर गरी कार्यक्रम लागु गर्न बाँकेका राजनीतिक दल र सरोकारवाला सरकारी तथा गैरसरकारी संघ–संस्थालाई ध्यानाकर्षण पत्र बुझाईएको छ । बालबालिका र युवाआमाको जिल्लास्तरीय भेलामा महादेवपुरी, बैजापुर र कचनापुर गाविसस्थित छलफल कक्षाका सहजकर्ता, सहभागि र बाल स्वास्थ्य समितिका सदस्यहरूले ध्यानाकर्षणपत्र बुझाएका हुन् ।

महादेवपुरीकी शान्ति चौधरी, बैजापुरकी सूर्या रावत र कचनापुरकी खगिसरा पुनले कार्यक्रममा उपस्थित राजनीतिक दलका नेता, जिल्ला विकास समिति, जिल्ला जनस्वास्थ्य कार्यालय, जिल्ला शिक्षा कार्यालय, जिल्ला किशोरी सञ्जाल र गैरसरकारी संस्था महासंघलाई ध्यानाकर्षणपत्र दिएका हुन ।

Kishori aama vela

जिल्ला भेलामा सहभागि बालबालिका र किशोरी आमा 

प्रत्येक विद्यालयमा छात्राहरू महिनावारी भएको बेला प्रयोग गर्नका लागि स्यानेटरी प्याडको व्यवस्था हुनुपर्ने, स्वास्थ्य विषय पढाउनको लागि महिला शिक्षक हुनुपर्ने, बालबिवाह मुक्त विद्यालय घोषणा हुनु पर्ने, स्वास्थ्यचौकीमा सुत्केरी आमाको आराम कक्षाको व्यवस्था हुनुपर्ने, हिंसामा परेका महिलालाई व्यवस्थापन गर्नको लागि क्षमता अभिवृद्धि गरी आत्मनिर्भर बनाउन संयन्त्रको व्यवस्था हुनुपर्ने लगायतका विषय ध्यानाकर्षणपत्रमा उल्लेख गरिएको छ ।

सामाजिक सचेतन सरोकार मञ्च स्याक बाँकेले सञ्चालन गरेको मेरो अधिकार मेरो आवाज कार्यक्रममा सम्वद्ध बालबालिका र युवाआमाको उक्त जिल्ला भेलामा सहभागि दलका नेता र सरोकारवाला निकायले ध्यानाकर्षणपत्रमा पेश गरिएका सवाल जायज भएको भन्दै आ–आफ्नो तर्फबाट आगामी दिनमा सकारात्मक पहलकदमी हुने प्रतिवद्धता जनाए ।

स्याकका टिम लिडर शिवलाल पाण्डेले गाउँमा रहेका आफ्ना समस्या जिल्लास्तरमा सरोकारवाला निकायसँग छलफल गर्दै थप नयाँ कार्ययोजनाको लागि जिल्ला भेला आयोजना गरिएको बताउनुभयो । मेरो अधिकार मेरो आवाज परियोजना संयोजक सोम जि.सी.ले परियोजनाबाट भएका उपलब्धी सार्वजनिक गर्नुभएको थियो ।

प्रकाशित मिति २०७२ मंसिर २९ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: