समृद्धिकली सुन्दरी घोषित


प्रकाशित मिति :2015-12-29 16:21:57

नारायण ढुंगाना

sundari ,, photo by nawaraj mishraसौराहा । चितवनको रत्ननगर स्थित सौराहामा जारी चितवन हात्ती महोत्सव अन्तरगत आज भएको हात्ती सुन्दरी प्रतियोगितामा ट्रभलर जंगल क्याम्पको समृद्धिकलीले हात्ती सुन्दरी प्रतियोगिताको उपाधि चुमेको छ ।

आज भएको सुन्दरी प्रतियोगितामा पुष्पाकली हात्ती फष्ट रनर अप घोषित भएको महोत्सवको नतिजा प्रकाशन समितिका संयोजक ऋषि तिवारीले जानकारी दिनुभयो । उहाँका अनुसार सेकेन्ड रनर अपमा बसन्तीकली घोषित भएको उहाँले जानकारी दिनुभयो ।

यस्तै आज भएको फाईनल खेलमा टाँगातर्फ बुद्धज्योती बोर्डिङको रेश्मा टाँगा प्रथम, निकुञ्ज जीप सफारीको काजल टाँगा दोस्रो र सौराहा हात्ती बुकिंगको बसन्ती घोडाले तेस्रो स्थान हासिल गरेको महोत्सव आयोजक समितिले जनाएको छ ।

आजै भएको गाडा दौडतर्फको खेलमा शिवम् सप्लायसको पशुपति चौधरी सवार गाडा प्रथम भएको छ । यस्तै सिनर्जी एफएमको जमुना चौधरी सवार गाडा दोस्रो र रेडियो चितवनको मथुरा चौधरी सवार गाडाले तेस्रो स्थान भएको नतिजा प्रकाशन समितिका संयोजक तिवारीले जानकारी दिनुभयो ।

यस्तै आजै भएको डुंगादौडतर्फ कालिका एफएमबाट सहभागि गणेश बोटे सावार डुंगा प्रथम भएको छ । यस्तै कायाकैरन दैनिकबाट सहभागि होम बहादुर कुमाल सवार डुंगा दोस्रो तथा रेडियो अर्पणबाट सहभागि आईते बोट सवार डुंगाले तेस्रो स्थान हासिल गरेको छ । विजेताहरूलाई भोली समापन समारोहमा पुरस्कार वितरण गरिने महोत्सव आयोजक समितिका संयोजक सुमन घिमिरेले जानकारी दिनुभयो ।

हात्ती फाष्ट वाक प्रतियोगिता अन्तरगत आज भएको सेमिफाईनल खेलबाट तीन हात्ती फाईनलमा प्रवेश गरेको छ । यसरी फाईनलमा जाने हात्तीहरूमा अप्पुकली, मारुतीकली र व्यूटिकली रहेको नतिजा प्रकाशन समितिले जनाएको छ ।

यसअघि हिजो नै तीन हात्ती फाईनलमा पुगेका थिए । भोली ६ वटा हात्तीहरु उपाधिका लागि भिड्ने छन् । यस्तै भोली नै सिजी फुड्स र नविल बैक हात्तीका छावावीच फुटवलमा भोली उपाधि भिडन्त हुनेछ ।

प्रकाशित मिति २०७२ पुस १४ गते मंगलवार

    Comment Here!

Related NEWS
मुख्य खबर

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

गैर सरकारी एकान्तबास

-मिश्र वैजयन्ती- सबभन्दा मायालाग्दो देखिएको छ भर्खरै किनेको बुट्टेदार सिरानीको खोल ।

गांधारी

-रञ्जना लिम्बू- ए गांधारी! चढेर युगहरुको अक्कर भीरहरु नाघेर सभ्यताका अग्ला पहाडहरु यहाँसम्म आइपुगेर टक्क अडिएका छन मेरा पाइलाहरु मलाई तिम्रो

Read more
© 2015.All rights reserved by mahilakhabar.com
%d bloggers like this: