जुम्लाकी लाउरीमायाले पाइन् अन्तर्राष्ट्रिय पुरस्कार


प्रकाशित मिति :2015-12-29 17:03:22

महिला खबर

जुम्ला । ग्रामीण भेकमा रहेर बालविवाह, छाउपडी र जातीय छुवाछुतविरुद्ध जनचेतना जगाउन पुर्‍याएको योगदानलाई कदर गर्दै डिल्लीचौर लुमगाउँकी लाउरीमाया थामीलाई अन्तर्राष्ट्रिय पुरस्कार दिइएको छ । समाज रुपान्तरणमा निरन्तर खटिएको भन्दै थामीलाई यो सम्मान दिइएको हो ।

Laurimaya

साठी वर्षीया थामीलाई गत असोज १५ गते अन्तर्राष्ट्रिय वुमन समिट फाउन्डेसन जेनेभा स्वीट्जरल्यान्डले अन्तर्राष्ट्रिय पुरस्कार विजेता घोषणा गरेको थियो । अन्तर्राष्ट्रिय ग्रामीण महिला दिवसका अवसरमा एक्सन वर्क्स नेपालका जिल्ला संयोजक केशवप्रसाद धितालले थामीलाई नगद एक लाख रुपैयाँ पुरस्कारको राशी हस्तान्तरण गर्नुभयो ।

हरेक वर्ष ग्रामीण भेकमा अहोरात्र खटिने विश्वभरका १० महिलामध्ये नेपालबाट थामी पर्नुभएको थियो । थामीले पुरस्कार ग्रहण गर्दै आफूजस्तो एकल र निरक्षर महिलाको कामके मुल्याङ्कन गर्दै अन्तर्राष्ट्रिय पुरस्कार पाएकोमा खुसी लागेको बताउनुभयो । उहाँले सो सम्मान आफूले मात्र नभई हिमाली जिल्लासहित नेपालले जितेको बताउनुभयो । बाह्र वर्षको उमेरमा बालविवाह भएकी थामीका श्रीमानले दोस्रो विवाह गरेपछि सम्बन्धबिच्छेद गर्नुभएको थियो ।

प्रकाशित मितिः २०७२ पुस १४ गते मङ्गलवार

    Comment Here!

Related NEWS
मुख्य खबर

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

Read more
© 2015.All rights reserved by mahilakhabar.com
%d bloggers like this: