यौनजन्य संक्रमणका बिरामी महिला बढी


प्रकाशित मिति :2015-12-30 12:03:32

देविका घर्ती मगर 

दाङ । दाङमा यसवर्ष १ हजार १ सय ७७ जना यौनजन्य संक्रमणका बिरामी महिलाले उपचार लिएका छन् ।नेपाल परिवार नियोजन संघ दाङ शाखाले सञ्चालन गरेको भेस्टेलेटो प्रोजेक्टको पपुलेशन हेल्थ (पिएचई) र इन्भाइरमेन्ट कार्यक्रम तथा जापनिज ट्रष्ट फण्ड (जेटिएफ) अन्तर्गत दाङका महिलालाई उपचार सेवा दिएको हो ।

सन् २०१५ मा आयोजना गरिएका १७ वटा प्रजनन स्वास्थ्य शिविरमा उपचार गराएका १ हजार ९ सय ६५ जना महिलामध्ये १ हजार १ सय ७७ जना यौनजन्य संक्रमणका बिरामीले उपचार सेवा लिएका हुन् ।

पिएचई कार्यक्रम अन्तर्गत ४ वटा शिविरमा ४ सय ७५ जनाले सेवा लिएका थिए । जसमध्ये ३ सय ४७ जना यौनजन्य संक्रमणका बिरामीले उपचार लिएको नेपाल परिवार नियोजन संघ दाङका युवा परिचालक सविना भुसालले जानकारी दिनुभयो ।

यस्तै जेटिफ अन्तर्गत १३ वटा प्रजनन स्वास्थ्य शिविर सम्पन्न गरिएका थिए । जसमा १ हजार ४ सय ९३ जनालेले सेवा लिएका मध्ये ८ सय ३० जना महिलाले यौनजन्य संक्रमणका बिरामीले उपचार लिएको भुसालले जानकारी दिनुभयो ।

डाक्टरको सहभागिता बिना स्वास्थ्यकर्मीको सहभागितामा आयोजना गरिएका ५ वटा साना प्रजनन स्वास्थ्य शिविरमा २ सय ६० ले सेवा लिएकोमा १ सय ७५ जना यौनजन्य रोगको संक्रमणका बिरामी रहेको संघले जनाएको छ ।

प्रत्येक शिविरमा १/२ जना सेतोपानी बग्ने समस्या भएका बालिका तथा किशोरीहरू समेत आउने गरेको पाइएको छ । यस्तो समस्या सरसफाईको अभाव तथा चेतनाको कमीका कारण हुने भएकाले सरसफाइमा ध्यान दिनुपर्ने संघका बरिष्ठ मेडिकल अधिकृत डा.अरबिन्द भुसालले जानकारी दिनुभयो । घोराहीमा आयोजित पत्रकार सम्मेलनमा रिपोर्ट सार्वजनिक गर्दै डा.भुसालले यौनजन्य संक्रमणको समस्या भएका बिरामी शिविरहरूमा धेरैनै आएको बताउनुभयो ।

राप्ती उपक्षेत्रिय अस्पताल घोराहीमा कार्यरत डा.दिपिका सुवेदीले पाठेघर खसेका र संक्रमण भएका महिलाको संख्या उस्तै–उस्तै रहेको बताउनुभयो । यौनजन्य संक्रमण भएका महिलाको संख्या कम भए हुन्थ्यो भन्ने अपेक्षा जहिले पनि रहेको तर, शिविरहरूमा उपचारको लागि आउनेमा महिला नै बढी हुने डा.सुवेदीले बताउनुभयो । यस्ता समस्याको समाधानका निमित्त विशेषगरी महिलाले सरसफाईमा ध्यान दिनुपर्ने र सुरक्षित यौन व्यवहारमा ध्यान दिन डा.भुसाल र डा. सुवेदीले आग्रह गर्नुभयो ।

प्रकाशित मिति २०७२ पुस १५ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: