संविधानमा समानताको माला उनिए पनि पहिरन पाइएन


प्रकाशित मिति :2015-12-31 14:37:42

महिला खबर

काठमाडौं। समावेशी तथा समानुपातिक सिद्धान्तको आधारमा राज्यका हरेक अंगमा महिला सहभागिता, प्रतिनिधित्व र निर्णय प्रक्रियामा अर्थपुर्ण भुमिका भएपनि महिला भएकै कारण असमानाता देखिएको कानुनिवद चन्द्रकान्त ज्ञवालीले बताउनुभएको छ । वीमेन एक्टले बुधबार काठमाडौंमा आयोजना गरेको “नयाँ संविधान : मानव अधिकार र महिलाका अधिकार, बाझिएको कानुन खारेजी संशोधन, निर्माण तथा सुझाव” विषयक कार्यक्रममा ज्ञवालीले राजनीतिमा समान सहभागिता र प्रतिनिधित्व नहुँदा संविधानमा समानताको माला उनिए पनि पहिरन नपाएको बताउनुभयो।

कार्यपत्र प्रस्तुत गर्दै उहाँले नागरिकतामा समानता तथा राज्यविहीनताको अन्त्य, सकारात्मक विभेदको नीति, प्रजनन् स्वास्थ्यको अधिकार, लैगिंक हिसा अन्त्य, वंश र अंंशमा पुरुषसरह समानता र समावेशिता र समानुपातिक प्रतिनिधित्व संविधानमा लेखिएपनि समाज र सांस्कृतिक परिवेशले महिला दोस्रो दर्जाका नागरिकको रुपमा जीउन बाध्य बनाएको उहाँले प्रस्तुत गरेको कार्यपत्रमा उल्लेख छ। राज्यका अंग सरकार, संसद, र न्यायपालिकामा समेत राजनितिक सहभागिता, प्रतिनिधित्व न्यून रहेको बताउनुभयो ।

कार्यक्रममा नेपाली कांग्रेसका नेता मिनेन्द्र रिजालले पार्टीको आगामी महाअधिवेसनले नेपाली काग्रेंसमा महिलाको एक तिहाई सिट सुनिश्चित हुने दाबी गर्नुभयो।

उहाँले नायाँ संविधानले वर्गीय, जातिय, क्षेत्रिय, भाषिक, धार्मिक, लंैगिक विभेद र सबैप्रकारका जातिय छुवाछुतको अन्त्य गरि आर्थिक समानता, समृद्धि र सामाजिक न्यायको सुनिश्चित गर्न समानुपातिक समावेशी र सहभागितामुलक सिद्धान्तका आधारमा समतामुलक समाजको निर्माण गर्ने संकल्प गरेको बताउनुभयो। उहाँले अंश वंश छोराछोरीलाई बराबर गर्ने, छोरालाई दिने छोरीलाई दिने भन्ने कुरा नै गर्न नहुने बताउनु भयो।

कार्यक्रममा पुर्व मन्त्री समेतका रहेका रिजालले प्रत्येक महिलालाई लैङ्गिक भेदभाव विना समान वंशिय हक अहिलेको संविधान रहेको बताउनुभयो। उहाँले भन्नुभयो ‘सभामुख र उपसभामुख मध्ये एक जना महिला हुनुपर्ने थियो त्यो अहिले कार्यान्वयमा छ। राष्ट्रिय सभाको अध्यक्ष र उपाध्यक्ष मध्ये एक जना महिला हुनुपर्ने व्यवस्था छ, अहिले राष्ट्रप्रमुख नै महिला हुनुहुन्छ।’

प्रकाशित मितिः २०७२ पुस १६ गते बिहीवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: