मध्यपश्चिमबाट एक वर्षमा ४ सय १० महिला हराए


प्रकाशित मिति :2015-12-31 15:23:05

महिला खबर
नेपालगन्ज । १ वर्षमा मध्यपश्चिमका विभिन्न जिल्लाबाट ४ सय १० जना महिला हराएका छन् । उनीहरू बेचविखनमा परेको हुन सक्ने अनुमान गरिएको छ ।

मानव बेचविखनविरुद्ध यसक्षेत्रमा क्रियाशिल माईती नेपालमा सन् २०१५ को जनवरीदेखि डिसेम्वर ३० सम्म १ वर्षको अवधिमा खोजतलासको लागि निवेदन परेको संख्याको आधारमा यो अनुमान गरिएको हो । यो अवधीमा खोजतलासका लागि परेको ४ सय ६१ निवेदन मध्य जम्मा ५१ जनामात्र फेला परेको माईती नेपाल नेपालगन्जका संयोजक केशव कोईरालाले जानकारी दिनुभयो ।

यो संख्यामा १८ वर्ष मुनिका २७४ र माथिका १८७ जना रहेका छन् ।  सबभन्दा बढि नेपालगन्ज उपमहानगरबाटै खोजतलासका लागि २८ वटा निवेदन परेको छ । मध्यपश्चिममा बाँकेबाट १ सय ४५, सुर्खेतबाट ७४, बर्दियाबाट ६०, दाङबाट ४४, सल्यानबाट ३२, रुकुमबाट ९, जाजरकोटबाट ३२ लगायत विभिन्न जिल्लाबाट गरी ४ सय ६१ निवेदन परेका हुन् ।

उद्धारका लागि सरकारीस्तरबाट प्रभावकारी संयन्त्र नभएका कारण खोजतलासमा कठिनाई भएको कोईरालाले जानकारी दिनुभयो । मानव बेचविखनको विषयलाई राजनीतिक मुद्दा बनाएर भारतको दिल्ली, मुम्वई, कलकत्ता र खाडी मुलुकमा समेत उद्धार युनिट राख्नुपर्ने कोईरालाकोे माग छ ।

सन् २०१५ मा माईती नेपालले नेपालगन्ज नाकाबाट जोखिमपूर्ण यात्रामा रही सिमानाबाट  ५ सय ६६ जनालाई उद्धार गरेको छ भने ५ सय ६९ जनालाई मानव बेचविखन र सुरक्षित बसाईसराईबारे जानकारी दिई पारिवारिक पुनर्मिलन गराएको छ ।

हाल माईती नेपालको आवाधिक गृहमा एक जना १० वर्षीय बालकसहित १२ जना महिला रहेका छन् । यो अवधिमा श्रम र यौन शोषणमा परेका १६ जनालाई पनि उद्धार गर्न सफल भएको संयोजक कोईरालाले बताउनु भयो । मानव बेचविखनका घटना बढे पनि वितेको १ वर्षमा बेचविखनका घटनाविरुद्ध जम्मा ६ वटा मुद्दा परेका छन् ।

प्रकाशित मिति: २०७२ पुस १६ गते विहीवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: