१५ वर्षमा ११ सय महिलाको उद्धार


प्रकाशित मिति :2016-01-05 12:28:06

खेमा बस्नेत
कैलाली । स्थापनाकालदेखि हालसम्म करिब ११ सय महिला तथा बालबालिकाको उद्धार गरेको माइती नेपाल कैलालीले जनाएको छ।
महिला तथा बालबालिका बेचबिखन तथा यौन शोषणविरुद्ध १५ वर्षदेखि कैलालीमा कार्यरत माइती नेपालले उक्त संख्यामा भारतमा बेचिएका तथा वेचिन लागेका महिलालाई सिमानाका र बिभिन्न देशबाट उद्धार गरेको हो।

उद्धार गरिएका महिलाको विवरण सार्वजनिक गर्दै माइती नेपाल कैलालीका कार्यक्रम संयोजक शिवचरण चौधरीले विभिन्न प्रलोभनमा पारेर बेचिएका तथा बेच्न लगिएका १ हजार ९५ जना महिलालाई उद्धार गरिएको जानकारी दिनुभयो।

सन् २००१ देखि २०१५ सम्म ११ सय महिलाको उद्धार गरिएको हो। गतवर्षमात्रै धनगढी श्रीनगर नाका बाट ८८ जना महिला तथा बालबालिकालाई जोखिमपुर्ण अवस्थाबाट उद्धार गरिएको र भारतवाट १ जनाको उद्धार गरेको जानकारी संयोजक चौधरीले दिनुभयो।
जस मध्ये ४१ जना १८ वर्ष मुनिका रहेका छन्। उद्धार गरिएका मध्ये ४८ जना कैलालीका र ४० जना अन्य जिल्लाका थिए ।

यो तथ्याकंले कैलालीको सिमानाकालाई दलालहरूले धेरै प्रयोग गर्ने गरेको देखिएको माइती नेपालले जनाएको छ। संयोजक चौधरीका अनुसार १५ वर्षको अवधिमा कैलाली जिल्लाका मात्रै ५ सय २३ जना महिलाको उद्धार गरिएको छ। त्यसैगरी उद्धार हुनेमा जिल्ला बाहिरका ५ सय ५४ जना छन्।

माइती नेपालले २०१४ मा उद्धार गरेका १ सयजना महिलामध्ये ३८ जना क्षेत्री समुदायका महिला थिए। त्यसैगरी दलित समुदायका ३०, जनजातिका २२, र ब्राह्मण समुदायका ६ जना महिला रहेका छन्। २०१५ मा १ सय १० जनाको महिला तथा बालबालिका हराएको निवेदन परेकोमा २७ जना फेला परिसकेको जानकारी माइती नेपालले दिएको छ ।

प्रकाशित मितिः २०७२ पुस २१ गते मङ्गलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: