हिंसा पीडित महिलालाई सामाजिक बहिष्कार


प्रकाशित मिति :2016-01-10 14:27:20

महिला खबर
पोखरा । श्रीमान विदेश गएका बेला परिवाको हिंसा सहन नसकेर छिमेकीको घरमा शरण लिएर बसेकी एक महिलालाई छिमेकीले  धाराको पानी प्रयोग गर्न नदिएर सामाजिक बहिस्कार गरेका छन् ।

परिवारमा बस्न नसकेपछि छिमेकी मदन लामिछानेको घरमा रहँदा उनले  लामिछाने कै बच्चा जन्माएकी  छन् । लेखनाथ नगरपालिकाकी २० वर्षीया ती महिलाले  गत असोज २० गते छोरालाई जन्म दिइन्, तर लामिछानेले नस्वीकारेका कारण तीन महिनासम्म बच्चाको न्वारन हुन सकेको छैन । बच्चाको न्वारन नभएको भन्दै छिमेकीले उनलाई धाराको पानी प्रयोग गर्न नदिएर सामाजिक बहिष्कार गरेका हुन् ।

 न्यायका लागि महिला तथा बालबालिका कार्यालय कास्कीमा आइपुगेकी ती महिलाका अनुसार पहिलाको लोग्नेले अर्को विहे गरिसकेका छन् । परिवारका अन्य सदस्यबाट हिंसा भोग्दै आएकी उनलाई छिमेकी  मदनले सम्झाउँदै साहरा दिने आश्वासन दिएका  थिए । त्यही क्रममा गर्भवती भएकी उनी बच्चा जन्मिएपछि मदन लामिछानेले  बच्चा र आफू दूबैलाई नस्वीकारेको बताइन् ।  मदन हाल वैदेशिक रोजगारीको क्रममा दुबईमा छन् ।

ती महिलाकी दिदीले बच्चा जन्मिसकेपछि आमा समूहले खोजबिन गर्दा मदनले स्वीकारेको बताइन् । ‘मदनले फोनमा आफ्नो घरमा लगेर राख्न भनेपनि मदनका बाबुआमाले बच्चा अस्वीकार गरे । अहिले मदन सम्पर्क बाहिर रहेको उनले बताइन् ।

महिला तथा बालबालिका कार्यालय कास्कीका प्रमुख  लक्ष्मी जिसीले बच्चाको न्वारन हुन नसकेको मात्र नभई नावालकले खोप पनि नपाएको जानकारी दिइन् । ‘न्वारन नभएर पीडामा परेका महिलालाई सार्वजनिकरुपमा धाराको पानी प्रयोग गर्न नदिएर सामाजिक बहिस्कार गर्नु अर्को अपराध हो ।’ जिसीले भनिन् । उनले बच्चाको न्वारन गराउन र नाता कायम गराउन अदालत जाने तयारी भइरहेको जानकारी दिइन् ।

न्याय खोज्दै महिला तथा बालबालिका कार्यालय आइपुगेकी उनको १५ वर्षको उमेरमै प्रेम विवाह  भएको थियो । ती महिलाका पहिलाको श्रीमानतर्फ डेढ वर्षकी छोरी छन् ।

प्रकाशित मिति :२०७२ पुस २६ गते अाईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: