महिला खबर

भक्तपुर । भक्तपुर प्रहरीले बालिका बलात्कार प्रयास गरेको  छुट्टाछुट्टै आरोपमा दुईजनालाई नियन्त्रणमा लिएको छ । महानगरीय प्रहरी परिसर भक्तपुरले १३  र ११ वर्षका दुई बालिकालाई बलात्कारको प्रयास गर्ने चाँगुनारायण नगरपालिका झौखेलका  २२ वर्षीय रमेश सुवाल र नगरकोट नगरपालिकाका ४५ वर्षीय बेलबहादुर तामाङलाई नियन्त्रणमा लिएको हो ।

 सामान किन्न गएका झौखेलका सुवालले पसलमा एक्लै देखेपछि १३ वर्षीया बालिकालाई भित्रको कोठामा लगेर बलात्कारको प्रयास गरेको अनुसन्धानमा खुलेको महानगरीय प्रहरी परिसर भक्तपुरका प्रहरी उपरीक्षक किरण बज्राचार्यले जानकारी दिनुभयो ।

बालिकाको आमाले देखेपछि प्रहरीलाई खबर गरेलगत्तै प्रहरीले नियन्त्रणमा लिएर सोमवार जिल्ला अदालत भक्तपुरमा पेस गरेको छ ।

त्यसैगरी प्रहरीले नगरकोट नगरपालिकाका ४५ वर्षीय बेलबहादुर तामाङलाई पक्राउ गरेर मुद्दा चलाएको छ

श्रीमतीसँग छुट्टिएर बसेका तामाङले ११ वर्षीया बालिकालाई र १० रुपैयाँ दिएर फकाइ एकान्तमा लगेर बलात्कारको प्रयास गरेको अनुसन्धानमा खुलेको प्रहरीले बताएको छ

प्रकाशित मितिः २०७२ पुस २७ गते साेमवार