मेरो गल्तीको सजाय बालकले नपाओस्


प्रकाशित मिति :2016-01-13 11:57:25

जमुना वर्षा शर्मा
पोखरा । कास्की जिल्ला कारागारमा बन्दी जीवन व्यतित गरिरहेकी २३ वर्षीय विष्णु सुनारले आफूहरूको गरेको गल्तीको सजाय डेढ वर्षको बच्चाले भोग्न नपरोस् भन्दै उसको बाल अधिकार रक्षा गरिदिन आग्रह गरेकी छिन् ।
मानव बेचबिखन मुद्दामा जेल परेकी सुनारले महिला खबरसँग कुरा गर्दै भनिन् ‘हामी श्रीमान श्रीमतिलाई नै १५ वर्षको कैदको फैसला भएको छ, गल्ती गरेपछि गल्तीको सजाय भोग्नुनै पर्छ,तर यो निर्दोष बालकले अनाहकमा बन्दी जीवन व्यतित गर्न बाध्य भयो । यसको पठनपाठन र हेरचाहका लागि कसैले सहयोग गरिदिए यसको भविष्य बिग्रने थिएन ।’
नौ महिना अघि मानव बेचीविखनको मुद्दामा पक्राउ परेका सुनार दम्पत्तिलाई कसूर हेरी कास्की जिल्ला अदालतले १५ वर्ष कैदको फैसला सुनाएको हो ।
उनका श्रीमान सुधन पासवान हाल तनहुँ कारागार छन् भने विष्णु डेढ वर्षको बच्चा सहित कास्की जिल्ला कारागारमा छिन् । उनको अहिलेसम्म विवाह दर्ता भएको छैन भने उनका सन्तानको जन्म दर्ता पनि हुन सकेको छैन । माइतीको संरक्षणमा रहेको पाँच वर्षको जेठो छोरा पनि पढ्नबाट बञ्चित भएको सुनारले बताइन ।
लायन्स क्लब अफ पोखरा गण्डकीका अध्यक्ष सीता पाण्डेले डेढ वर्षीय बालक सुरज पासवानको स्वतन्त्र जीवनको रक्षार्थ आफूहरूले सक्दो पहल गरिरहेको बताउनुभयो । ‘बाल अधिकारको संरक्षण र उनको स्वतन्त्र जीवनयापनका लागि प्रक्रियागत प्रयासहरू जारी रहेका छन्’ पाण्डेले भन्नुभयो ।
कास्की जिल्ला कारागारका प्रमुख हरि प्रसाद गौतमले निज बालकको संरक्षणका लागि सम्बन्धित निकाय र सरोकारवालाहरूसँग छलफल भइरहेको प्रतिक्रिया दिनुभयो ।
प्रकाशित मिति : २०७२ पुस २९ गते बुधवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: