अन्धविश्वासले गुम्यो सुत्केरीको ज्यान


प्रकाशित मिति :2016-01-14 15:49:16

भिम सिजापति  
दैलेख। दैलेखको नारायण नगरपालिका भैँसेखोरकी डेढ महिनाकी सुत्केरी महिलाको ज्यान गएको छ । सुत्केरी अवस्थामा आवश्यक स्याहार सुसार नपाएर थला परेकी भैँसेखोरकी १७ वर्षीया चन्द्रा सुनारको ज्यान गएको हो । उनी सुत्केरी भएको डेढ महिनामात्र पुगेको थियो । चन्द्राले सुत्केरी अवस्थामा न्यानो कपडा र पोषिलो खानेकुरा नपाएर थला परेको वेला अस्पताल नलगी परिवारले भुतप्रेत लागेको भन्दै धामी झांक्रीलाई देखाउनुको कारण नै चन्द्राले अकालमा ज्यान गुमाएको माईतीले आरोप लगाएका छन् ।

चिसो मौसममा सुत्केरीको झन वढी स्याहारसुसार गर्नुपर्ने भएपनि परिवारको अन्धविश्वास नै मृत्युको कारण भएको आफन्तको भनाई रहेको छ । उमेर नपुग्दै वच्चा जन्माउदा शारीरीक रुपमा कमजोर भएकी चन्द्रा सुत्केरी भएको वेला पनि उपयुक्त स्याहारसुसार नपाउदा थला परेकी थिईन् ।

वच्चा जन्माउदा शारीरिक रुपमा कमजोर भएको अवस्थामा उनलाई स्वास्थ्य संस्थामा लैजानुको साटो परिवारको सल्लाहमा श्रीमान लालु सुनारले भुतप्रेत लागेको भन्दै चन्द्रालाई केही दिन धामी झांक्रीलाई देखाएर समय खर्चेको छिमेकीले वताएका छन् । धामीझांक्रीसँग देखाउँदा पनि निको हुने छाँट नदेखेपछि थला परेकी सुत्केरी श्रीमतीलाई घरमै छाडेर श्रीमान लालु विदेशतिर हिँडेका थिए ।

छोरीले सुत्केरी हुँदा स्याहार नपाएर दिनदिनै थला पर्दै गएको थाहा पाएपछि चन्द्राकी आमाले उनलाई माईत ल्याएकी थिईन् । सामाजिक अन्धविश्वासका कारण चन्द्रा झन्झन् शारीरिक रुपमा कमजोर हुनथालेपछि माईतीले ऋण काढेर उपचारका लागि उनलाई नेपालगंजसम्म पुर्याएका थिए । तीनदिनसम्म नेपालगंजको निजी अस्पतालमा थुप्रै पैसा खर्च गर्दा पनि अन्तत उपचारको क्रममा चन्द्राको सोमवार विहान मृत्यु भयो ।

उपचारमा संलग्न डाक्टरहरुले चिसोले गर्दा चन्द्राको फोक्सोमा पानी जमेकोले उपचारमा कठिनाई भएको वताएका थिए । ‘छोरीलाई माईत ल्याउने वेलामा नै आशा मारिसकेकी थिएँ, चन्द्राकी आमाले रुँदै भनिन्, ‘परिवारले राम्रो ख्याल गरीदिएको भए छोरी वाँच्ने थिई । सुत्केरी छोरीले स्याहार नपाएर थला परेको थाहा पाएर लिन जाँदा चन्द्राको परिवारले डेढ महिनाको नातीलाई घरमै राखी छोरीलाई मात्र आफुसँग पठाईदिएको

आमाले दुखेसो पोखिन् । मृतक चन्द्राको मंगलवार माईतीले लोहोरे खोलामा अन्त्येष्टि गरेका छन् । वहिनीको अन्त्येष्टिमा घरपरिवारलाई डेढ महिनाको शिशुलाई लिएर आउन खवर गरेपनि कोही पनि नआएको चन्द्राका दाजु सुदीपले गुनासो गरेका छन् ।

प्रकाशित मितिः २०७२ पुस ३० गते बिहीवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: