महिला प्रहरी कुटपिट गर्नेविरुद्ध सार्वजनिक मुद्दा


प्रकाशित मिति :2016-01-20 13:40:46

रुपा गहतराज

नेपालगञ्ज । महिला प्रहरीलाई कुटपिट गर्ने विरुद्ध बाँके प्रहरीले आज जिल्ला अदालतमा सार्वजनिक मुद्दा दर्ता गरेको छ । ड्यूटीमा रहेका प्रहरी हवलदार बावरी चन्द र जवान भगवती शाहीमाथि गत सोमवार साँझ वीपी चोकका एकै परिवारका तीन दिदी बहिनीले कुटपिट गरी घाइते बनाएका थिए ।

ड्यूटीमा खटिएका महिला प्रहरीमाथि कुटपिट गर्ने ती दिदी बहिनीलाई सार्वजनिक अपराध ऐन अन्तरगत् प्रहरीले मुद्दा दायर गरेको जिल्ला प्रहरी कार्यालय बाँकेका प्रहरी उपरीक्षक बसन्त पन्तले जानकारी दिनुभयो । प्रिया पोरवाल, सीमा पोरवाल र ललिला पोरवालले मोटरसाइकल पार्कि स्थल नजिकै आगो बालेपछि प्रहरी महिलाले आगो निभाउन अनुरोध गरेका थिए ।

पटक–पटक आग्रह गर्दा पनि आगो ननिभाएपछि महिला प्रहरीले आफंै आगो निभाउन खोज्दा उनीहरूमाथि दिदी बहिनी खनिएका थिए । .
प्रहरीले तीन दिदीबहिनी सहित उनीहरूको बुवालाई पनि नियन्त्रणमा लिएर अनुसन्धान गरिरहेको जनाएको छ । अदालतले उनीहरूमाथि थप अनुसन्धानका लागि तीन दिन हिरासतमा राख्न प्रहरीलाई आदेश दिएको छ । ड्युटीमै रहेका सुरक्षाकर्मी महिला कुटिँदा पनि बाँकेका महिला अधिकारकर्मीले भने कुनै चासो दिएका छैनन् ।

घटना भएको २४ घण्टा वित्दा पनि महिला अधिकारको क्षेत्रमा काम गर्ने संघसंगठनले आवाज त परै जावस् विज्ञप्ति समेत निकालेका छैनन् । महिला मानव अधिकार रक्षक सञ्जाल बाँकेका अध्यक्ष अक्षरी पोख्रेलले कुटिएको खवर प्राप्त भएपनि व्यस्तताका कारण घटनाबारे विस्तृतमा बुझ्न नपाएको बताउनुभयो । अन्तर पार्टी महिला सञ्जाल बाँकेले पनि अहिलेसम्म घटनाबारे कुनै आधिकारिक प्रतिक्रिया सार्वजनिक गरेको छैन ।  सुरक्षाकर्मी महिलामाथि कुटपिट हुनु खेदपूर्ण भएको बताउने गरेका महिला अधिकारकर्मीहरूले औपचारिक रुपमा भने त्यसको विरोध गरेका छैनन् ।

प्रकाशित मिति २०७२ माघ ६ गते बुधवार

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: