मायाभित्र अंकुराएका सपना


प्रकाशित मिति :2016-01-26 10:09:42

खेमा बस्नेत

कैलाली । घोडाघोडी नगरपालिका ९ की मिना खनाल अहिले १४ वर्षकी भईन् । स्थानीय जनप्रगतीशील माविमा कक्षा ७ मा पढ्दै आएकी उनको सपना भविष्यमा डाक्टर बन्ने छ । तर, पारिवारको दयनिय आर्थिक अवस्थाको कारण डाक्टर बन्नु त के विचमै विद्यालय छाड्नु ग-याे ।

मिनाका बुबा  अपाङ्ग छन् । घरको आम्दानीले छाक नटर्ने भएपछि उनका दाईहरू रोजगारीको लागि भारत पसेका छन् । दाईको कमाइले दैनिक चलाउन ठिक्कै ।

माध्यमिक शिक्षा आर्जनको लागि सरकारले निशुल्क शिक्षा उपलब्ध गराउँदै आएपनि निशुल्क शिक्षा सिकाइका लागि चाहिने लत्ताकपडा, कापी कलम जुटाउन  नसक्दा उनले विचमै विद्यालय छोड्नु पर्ने अवस्था आयो ।

‘दाईले पठाएको पैसाले दिदी र मलाई पढ्न पुग्दैन् । एक चिज किन्यो भने अर्कोको अभाव खड्की रहन्छ । मन भएर पनि पढ्न सकेको छैन् ।’उनले भनिन् ।

20160124_135715

मिनाको पढाइको लागि स्थानीय गैरसरकारी संस्थाले छात्रवृति प्रदान गरेपछि भने पढाइमा सहजता हुने मिनाले बताएकी छिन् । मिनाको पढाइप्रतिको चाहना र कमजोरी पारिवारिक आर्थिक स्थितिलाई मध्यनजर गर्दै फाया नेपालले आफ्नो स्थापना दिवसको अवसरमा १० हजार आर्थिक छात्रवृति प्रदान गरेको थियो ।

शिक्षा,पोषण,ज्येष्ठ नागरिक, विपद न्यूनिकरणलगायत बालबालिकाको क्षेत्रमा काम गर्दै आएको उक्त संस्थाले यसअघि पनि मिनालाई कक्षा ५ मा पढ्नको लागि छात्रवृति प्रदान गरेको थियो ।

‘कक्षा ६ मा छात्रवृति उपलब्ध नगर्दा पढाइलाई निरन्तरता दिन समस्या परेको देख्यौ ‘फाया नेपालका अध्यक्ष शेर बहादुर बस्नेतले भने ‘त्यसैले कक्षा ७ को अध्ययन पुरा गर्न छात्रवृति उपलब्ध गरेका छौं । आगमी वर्षमा उनको पढाइमा सहयोग गर्न आवश्यकता अनुसार छात्रवृति दिदैँ जानेछौं ।’

फाया नेपालले आफूद्धारा स्थापना भएको फाया मिलिनियन सामाजिक कोषद्धारा विपन्न विद्यार्थीहरूलाई छात्रवृति वितरण गर्ने गरेको छ । यही कोषबाट कक्षा ५ मा हुँदा मिनालाई १५ हजार नगद छात्रवृति प्रदान गरेको  थियो ।

छात्रवृतिले आफ्नो डाक्टर बन्ने सपना पुरा हुने मिनाले आशा राखेकी छिन् । फाया नेपालले पढाईको लागि सहयोग गर्ने भएपछि ठूलो मान्छे बन्ने सपना पुरा भएको उनको भनाइ छ ।

‘स्कुलले पैसा लिदैन तर कितावकामी किन्ने पैसा नहुँदा विद्यालय जान छोड्न लागेकी थिए ।’ मिनाले भनिन् ‘फायाको म प्रतिको मायाले मेरो पढ्ने रहर पुरा हुने भएको छ ।’ आर्थिक रुपमा कमजोर परिवारमा  हुर्किदै आएकी मिना पढाइमा भने अब्बल छात्रा हुन् । उनी आफ्नो कक्षामा दोस्रो विद्यार्थी हुन् ।

प्रकाशित मिति २०७२ माघ १२ गते   म‌गलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: