अभिभावकलाई भाषा कक्षा


प्रकाशित मिति :2016-01-27 15:42:28

नन्दा थापा
काठमाडौं । बहिरा बालबालिकाको शैक्षिक विकासका लागि  शिक्षा विभागले उनीहरुका अभिभावकलाई सांकेतिक भाषा सिकाउने भएको छ ।

राष्ट्रिय बहिरा महासंघ नेपालले काठमाडौंमा आयोजना गरेको नेपाल र हङ्कङ्गमा बहिरा शिक्षा सम्वन्धि आदानप्रदान कार्यक्रममा बोल्दै
शिक्षा विभागका उपनिर्देशक गणेशप्रसाद पौडेलले बालबालिकाको पहिलो पाठशाला घर भएकाले अभिभावकलाई सांकेतिक भाषा सिकाउनको लागि कक्षा सञ्चनलन गर्ने लागेको बताउनुभयो ।

जारी नयाँ संविधानले आर्थिक रुपमा कमजोर र अपाङ्गता भएका बालबालिकालाई उच्च शिक्षासम्म निशुल्क पढ्न पाउने व्यवस्था गरेको उहाँको भनाइ छ । उपनिर्देशक पौडेलले भन्नुभयो ‘संविधानमै बहिरा बालबालिकाले सांकेतिक भाषाबाट शिक्षा पाउने हकको व्यवस्था हुनु ठूलो उपलव्धि मान्नुपर्छ ।’

नेपालमा अहिले पनि पाँच लाख १३ हजार ३ सय २१ जना मध्ये २ लाख ३३ हजार २ सय ३५ जना महिला अपाङ्ग रहेको तथ्याङ्क प्रस्तुतले गर्दै पौडेलले शिक्षा मन्त्रालयले एउटा समतामुलक रणनीति जारी गरेको बताएका छन् ।

१९ सय ९४ देखि शिक्षा विभागले विभिन्न विद्यालयहरूमा श्रोत कक्षा भनेर उनीहरूका लागि कक्षा सञ्चालन गरेको पौडेलले जानकारी दिनुभयो ।

अहिले नेपालमा एउटा क्याम्पस, ३ उच्च माबि, ३ माबि र ४१ वटा स्कुलमा गरी ११ हजार पाँच सय बहिरा बालबालिका अध्ययरत रहका छन् । कार्यक्रममा राष्ट्रिय बहिरा महासंघ  नेपालका अध्यक्ष रामकुशल पन्तले सांकेतिक भाषा विकासमा गुणस्तर ल्याउनेका लागि अनौपचारिक शिक्षा केन्द्रले भाषा सिकाईरहेको बताउनु भयो ।

हङकङ्गका तर्फबाट बहिरा महासंघ हङकङ्का अध्यक्ष यमी लिवले नेपालमा बहिराहरूलाई यातायात परिचय पत्र नदिएको भन्दै दुःख व्यक्त गरिन । नेपालमा बहिराहरूका लागि हङकङ्ग भन्दा बढी सिप सिकाउनको प्रयास भएकोमा बधाई ज्ञापन गरेकी थिईन । नेपालमा बहिराहरूका लागि भएको उपलव्धि हङकङ्गलाई पनि सिकाई भएको उनले बताइन ।

प्रकाशित मिति २०७२ माघ १३ गते बुधवार

    Comment Here!

Related NEWS
मुख्य खबर

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

Read more
© 2015.All rights reserved by mahilakhabar.com
%d bloggers like this: