कुखुरा उपहार


प्रकाशित मिति :2016-01-29 11:35:34

महिला खबर

imagesनेपालगन्ज । बाँकेको १२ वटा गाविसका गर्भवती र सुत्केरी महिलालाई कुखुरा वितरण गरिएको छ ।  पोषणमा पहुँच बढाउने उदेश्यले सुआहारा कार्यक्रम अन्तरगत उनीहरूलाई एक हजार ३० वटा उन्नत जातका कुखुरा वितरण गरिएको थियो ।

जिल्लाको बागेश्वरी, रनियापूर, सोनपूर, उढरापूर, बेतहनी, होलिया, मटेहिया, नरैनापुर, गंगापुर, कालाफाँटा, कटकुईया र लक्ष्मणपुरका गर्भवती र सुत्केरीलाई कुखुरा वितरण गरिएको सुआहारा कार्यक्रम बाँकेका संयोजक विकास देउजाले जानकारी दिनुभयो  । घरमै अण्डा उत्पादन गराउनका लागि प्रत्येक महिलालाई १० वटाका दरले कुखुरा वितरण गरेको उहाँले जानकारी दिनुभयो । १२ वटा गाविसमा १ सय ३ जनालाई १ हजार ३० वटा कुखुरा वितरण गरिएको हो ।

सुआहारा कार्यक्रम अन्तरगत सुनौला हजार दिनका बालबालिकाहरूको छिटो विकास होस् भनेर कुखुरा वितरण गरीएको संयोजक देउजाले बताउनु भयो । दुई वर्ष मुनिका एक हजार दिनका बालबालिकाको ८० प्रतिशत मस्तिष्क विकास पनि यही समयमा हुने भएकाले पोषणका लागि उन्नत जातको कुखुरा वितरण गरेको उहाँको भनाइ छ ।

स्थानीय स्तरको व्यवहारमा परिवर्तन गर्न र पोषणका लागि घरमै उत्पादन गरि नियमित खानपानमा ध्यान दिनका लागि केही समय पहिले पाँच दिने तालिम दिएपछि उनीहरूलाई कुखुरा वितरण गरिएको नर्बदा दाहालले जानकारी दिनुभयो । घरमै उत्पादन गरेको पोषणयुक्त खाना नियमित खानका लागि अण्डा उत्पादन लगायतका कुरा तालिममा सिकाइएको उहाँले बताउनुभयो  ।

वितरण गरिएको उन्नत जातको एउटा कुखुराले वर्षमा ३ सय ४० वटासम्म अण्डा उत्पादन गर्ने भन्दै आमा र बच्चा दुबैको स्वास्थ्य अवस्थालाई ख्याल गरेर कुखुरा वितरण गर्ने योजना बनेको उहाँहरूको भनाइ छ ।

यसअघि मुलुकका २५ वटा जिल्लामा सुनौलो हजार दिन भित्रका महिलालाई कुखुरा बितरण गरिसकेको भन्दै पछि १६ वटा जिल्लामा कार्यक्रम थप भए अनुसार बाँकेमा पहिलो पटक कुखुरा वितरण गरिएको हो ।

प्रकाशित मिति २०७२ माघ १५ गते शुक्रवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: