नागरिकताको लागि व्यवस्था मिलाउँदै छु : गृहमन्त्री


प्रकाशित मिति :2016-02-01 18:51:58

निर्मला भट्ट  / करिश्मा चौधरी

काठमाडौँ । गृह मन्त्री शक्ति बहादुर बस्नेतले आमाको नामबाट नागरिकता लिन चाहेका सन्तानलाई छिट्टै नागरिकता दिने सहज व्यवस्था मिलाउनका लागि गृहकार्य भइरहेको बताउनुभएको छ ।

उहाँले तत्कालका लागि बाबुको पहिचान नभएको, पहिचान भएपनि नभेटिएको, बाबु आमाको सम्बन्ध राम्रो नभएको र बाबुको नामबाट नागरिकता नै लिन नचाहने सन्तानलाई नागरिकता दिनका लागि छिट्टै नै सहज व्यवस्था मिलाउने प्रतिवद्धता  जनाउनुभएको छ ।

नागरिकतासंग जोडिएका ४ वटा समस्या भएका नागरिकहरूले सहज रुपमा नागरिकता नपाएको भन्दै गृह मन्त्री बस्नेतलाई उहाँकै कार्यकक्षमा भेटघाट गर्न पुगेको सञ्चारिका समूह तथा महिला र कानुन विकास मञ्चसंगको टोलीसंग यस्तो प्रतिवद्धता जनाउनुभएको हो । नयाँ संविधानको नागरिकता सम्बन्धि हकमा धारा (११) ५ र धारा १२ मा व्यवस्था भएका कुराहरू छिट्टै  ऐनमा थप्ने गरी काम भैरहेको मन्त्री बस्नेतले बताउनुभयो ।

s
भेटघाटमा सञ्चारिका समूहका उपाध्यक्ष नितु पण्डितले लामो समयदेखि आमाको नामबाट नागरिकता नपाएका विप्लव चौलागाइलाई सञ्चारिका समूह र कानुन विकास मञ्चको आग्रहमा गृह मन्त्रालयले नागरिकता दिलाएको प्रति धन्यवाद दिुनभयो । उहाँले संविधानमा व्यवस्था भएका नागरिकता सम्बन्धि नयाँ कुराहरू ऐनमा छिटो भन्दा छिटो थप गरेर नागरिकता लिने कार्य सहज बनाउन पहल गर्न गृह मन्त्री बस्नेतलाई अनुरोध गर्नु भयो ।

यस्तै गृह मन्त्रीसंगको भेटमा अधिवक्ता सविन श्रेष्ठले अनाथ बालबालिकाहरू र आमाको नामबाटै नागरिकता लिन चाहाने सन्तानहरूलाई नागरिकता लिन सहज बनाउनका लागि नागरिकता ऐन संशोधन गर्नु पर्ने सुझाब  राख्नुभयो ।

DSC_1183

उहाँले विदेशीसंग विवाह गरेका नेपाली छोरीहरू राज्य विहीन हुने भएकाले उनिहरूको पीडालाई पनि सम्बोधन गर्न माग गर्नुभयो । उक्त भेटघाटमा संञ्चारिका समूहका महासचिव कमला पन्थीले नागरिकता नपाएका पीडित नगरिकहरूले जुटाएको  प्रमाणमा प्रशासनले विश्वास गर्दैन भने, सरकारले आफूले नै उनिहरूको प्रमाण किन खोज्दैन ? भन्दै गृह मन्त्री बस्नेतलाई प्रश्न गर्नुभएको थियो  ।

गृह मन्त्रालयका सह–सचिव नागरिकता महाशाखाका प्रमुख विनोद  केसी र कानुन महाशाखा प्रमुख धनराज ज्ञवालीले ऐनमा बाझिएका कुराहरूमा संशोधन गर्न दिइएको सुझाव महत्वपूर्ण रहेको प्रतिक्रिया दिएका थिए ।

प्रकाशित मिति २०७२ माघ १८ गते सोमवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: