नायिका र सिनेमाका दु:ख सुख


नायिकालाई जीवन चलाउ नै गाह्रो

प्रकाशित मिति :2016-02-02 13:08:46

महिला खबर
पोखरा । कलाक्षेत्रमा नाम अनुसारको ‘दाम’ नहुँदा कलाकारको जीवनयापनमा कठिनाई भइरहेको नेपालका चर्चित नायिकाहरूले बताएका छन् । पोखरामा आयोजित नेपाल लिटरेचर फेस्टिवलको अन्तिम दिन सोमवार गौरी मल्ल, रेखा थापा, र ऋचा शर्माले सिनेमा क्षेत्रमा भएको सुखदुख र अनुभवहरू दर्शकसँग  साट्दै  सो कुरा बताएका हुन् ।

नायिका गौरी मल्लले भनिन् ‘देशको परिस्थिति मजबुत नभएसम्म कला क्षेत्रको विकास सोचे जस्तो हुन सक्दैन । कला र कलाकार बाँच्नका लागि देश पनि आर्थिक रुपमा सबल हुन जरुरी छ ।’

 ३० वर्ष लामो कला क्षेत्रमा हिजो र आजका दिन फेरिए पनि व्यवसायिक रुपमा सिनेमा क्षेत्र अझै फस्टाउन नसकेको उनको भनाइ छ ।
चलचित्र क्षेत्रमा देखिएका कमजोरीको बारेमा बोल्दै नायिका मल्लले भनिन् ‘व्यवसायिक भन्दा पनि सौख पालेर कला क्षेत्रमा भित्र बाहिर गरिरहँदा कला क्षेत्रको व्यवसायिकता र मर्यादालाई बाधा पुर्याई रहेको छ ।’

परम्परागत धारबाट नेपाली सिनेमा केही अगाडि बढे पनि दर्शकको चाहानालाई अझै पनि ध्यान दिन नसक्नु अर्को कमजोरी पक्ष भएको उनले सुनाइन ।

pix

नेपालको चर्चित नायिका तथा निर्माता समेत रहेकाी रेखा थापाले फिल्ममा नायकको मात्र प्रभुत्व देखाइने परम्परालाई आफूले केही मात्रामा भएपनि तोड्न सफल भएको बताइन् । ‘परम्परागत रूपमा जसरी सिनेमाका पोष्टर र भूमिकामा नायकको बर्चस्व थियो । त्यसलाई तोड्दै नायिका केन्द्रित फिल्ममा मैले जोड दिएँ’ थापाले भनिन् ।

रेखाले भनिन् ‘सिनेमामा नायक मात्र ‘हिरो’ हुन्छ भन्ने मान्यता विपरित त्यो स्थानमा आफूले सशक्त अभिनय गर्न सफल भएको उनको भनाइ थियो । ‘म काल्पनिक भन्दा वास्तबिक समाजमा रहेका विभेद विरुद्धका कथामा फिल्म बनाउन मन पराउँछु । कलाकारले कलाको मर्म भावना र व्यवसायिकता सबै कुरामा ध्यान दिनुपर्छ ।’ सिनेमालाई मनोरञ्जनको रुपमा मात्रै नलिई सामाजिक परिवर्तनका माध्यमको रुपमा समेत लिनुपर्ने उनको भनाइ छ । आफूले निर्माण गरेका सिनेमाका नव कलाकारलाई ५० हजार भन्दा माथि पारिश्रमिक दिने गरेको उनले बताइन् ।

त्यसैगरी नायिका ऋचा शर्माले पनि व्यवसायिक रुपमा कला क्षेत्र जम्न नसक्दा आफ्नो करियर पनि दोधारमा रहेको बताइन् । कलाक्षेत्रमा जसरी दर्शकले चिन्छन् र धारणा बनाउँछन् त्यस अनुसारको जीवन जीउन आर्थिक रुपमा कलाकारलाई गाह्रो भएको उनले सुनाइन  ।

छोटै समयमा कलाकारको राम्रो छवि बनाउन सफल भएपनि आर्थिक पक्षले सन्तुष्ट बन्न नसकेको उनले गुनासो गरिन । सिनेमाका सुख दु: ख शिर्षकको परिचर्चामा पत्रकार किशोर नेपालले सहजिकरण गरेका थिए ।

प्रकाशित मिति २०७२ माघ १९ गते मंगलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: