कानुन उल्लङ्घन गरे निजामती प्रशासन विघटन : मन्त्री शर्मा


प्रकाशित मिति :2016-02-02 16:05:21

महिला खबर

काठमाडौं । सामान्य प्रशासन मन्त्री रेखा शर्माले ऐन नियमहरू कर्मचारीले उल्लंघन गर्दै गए नेपालको निजामती प्रशासन विघटन हुने चेतावनी दिनुभएको छ । नेपालको निजामती प्रशासनलाई पारदर्शी र नागरिकप्रति जिम्मेवार बनाउन आफूले काज फिर्ता र दोहोरो सुविधा लिन नपाउने निर्णयहरू गरेको भन्दै उहाँले निर्णय कार्यान्वयन गराएरै छाड्ने दृढता व्यक्त गर्नुभयो ।

सामान्य प्रशासन मन्त्रालयकाे एक सय दिनको प्रगति विवरण सार्वजनिक गर्न मन्त्रालयमा आयोजित पत्रकार सम्मेलनमा बोल्दै शर्माले भन्नुभयो ‘अर्को बाटो हिँड्ने बानी परेपछि नियम कानुनमा हिँड्न गाह्रो पनि हुँदोरहेछ, काजलाई यही अवस्थामा राख्ने हो भने केही समयपछि नेपालको कर्मचारीतन्त्र विघटन अनिवार्य छ । त्यसैले पनि यसलाई व्यवस्थापनमा ल्याउन जरुरी छ ।’

20160202_132157

शर्माका अनुसार विभिन्न मन्त्रालयबाट ३१३ जना र सामान्य प्रशासन मन्त्रालयबाट ७१ गरी जम्मा ३८४ जना कर्मचारी काजबाट फिर्ता भैसकेका छन् । यसअघि मन्त्रालयले नियम विपरितको काज फिर्ता नगरे काजमा खटाउने अधिकारीको सेवा सुविधा समेत कटौती गर्नेे निर्णय गरेको थियो । आफू मन्त्री बनेपछि सरुवाको अधिकार प्रत्यायोजनबाट टाढा टाढाबाट सरुवा गराउन मन्त्रालयमै धाउनु पर्ने बाध्यता अन्त्य गरेको दाबी गर्नुभयो । संघीयता र संक्रमणकालिन अवस्थामा कर्मचारीहरूको व्यवस्थापनलाई वैज्ञानिक बनाउनका लागि गृहकार्य भैरहेको उहाँले जानकारी गराउनुभयो ।

 पत्रकार सम्मेलनमा मन्त्री शर्माले  कार्यालयमा ड्रेस कोडको व्यवस्था, ३० वर्षदेखि हुन नसकेको निजामती सेवामा महिलाको सहभागिता सम्बन्धि अन्तरक्रिया, प्यूठान, दाङ, रुपन्देही लगायतका जिल्लामा सार्बजनिक सुनुवाई लगायतका काम आफूले गरेर जनताका गुनासो सुनेको र समस्या समाधानको पहलमा लागेको बताउनुभयो ।

प्रकाशित मिति २०७२ माघ १९ गते मंगलवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: