योरुना हत्याकाण्ड : असुरक्षित भयो समाज


प्रकाशित मिति :2016-02-05 16:06:50

महिला खबर

पोखरा । यतिबेला पोखरा दुई दिनको अन्तरमा दुई जना महिलाको हत्याले त्रसित भएको छ । पोखरा रामबजार नयाँ गाउँकी १९ वर्षीय योरुना (नेहा) को मंगवार घर नजिक करिव ४ सय मिटरको दूरीमा अर्धनग्न अवस्थामा शव भेटियो ।

त्यसैगरी आइतवार मालेपाटनको प्रगतिमार्गमा डेरा गरी बस्ने ४० वर्षीय सरस्वती लिम्बु मृत अवस्थामा फेला परिन । तर,यी दुई महिलाको हत्या गर्नेे अपराधीलाई प्रहरीले अहिलेसम्म पक्राउ गर्न सकेको छैन ।

युरुना हत्याकाण्डको विरोधमा विभिन्न संघ संस्था अधिकारकर्मी, विद्यार्थी नागरिक समाजले पोखरामा विरोध प्रर्दशन समेत गरेका छन् । विरोध प्रदर्शनमा सहभागीहरूले युरुना हत्याकाण्डको छिटो भन्दा छिटो छानविन गरी  हत्यारालाई  कारवाही गर्न राज्यसंग माग गरेका छन् ।

 samjhana sarmaबढ्दो अपराध र महिलाका लागि असुरक्षित समाजको बारेमा निमित्त क्षेत्रीय निर्देशक राष्ट्रिय मानव अधिकार आयोग पश्चिमाञ्चल पोखरा सम्झना शर्मा भन्नुहुन्छ – घटनाले महिलाका लागि समाज निकै असुरक्षित हुँदै गएको अनुभुति गराएको छ ।

पोखराका मुख्यस्थल त्यो पनि खुल्ला ठाउँमा २ दिनको अन्तरमा भएको २ जना महिलाको हत्याले महिला एवं किशोरीहरूलाई निकै त्रसित बनाएको छ ।

कतिबेला कहाँ के हुने हो भन्ने सन्त्रास सबैमा  देखिएको छ । समाजमा बढ्दो अपराधलाई निरुत्साहित गर्न अब राज्य संयन्त्रले विशेष ध्यान दिनुपर्छ ।

समाज जबसम्म हत्या र हिंसा रहित हुन सक्दैन तबसम्म देशको विकास पनि सकारात्मक गतिमा अघि बढ्न सक्दैन । यसले नागरिकको बाँच्न पाउने अधिकारमाथि नराम्ररी प्रहार गरेको छ । यस्ता घटनामा प्रहरी प्रशासनले पनि नागरिकलाई विश्वस्त बनाउँदै दोषीको पहिचान गरी कारवाहीको दायराभित्र ल्याउन ढिला गर्नु हुँदैन ।

केशव शरण लामिछाने
पत्रकार
keshav saran lamichaneयस घटनालाई महिला मात्रको भनेर बुझ्नु हुँदैन, यो समाजका एक नागरिकको हत्या हो । सभ्य समाजको लागि निकै गम्भिर घटना पनि हो । समाजमा घटित यस्ता गम्भिर र अमानविय कार्यलाई रोक्न  र पीडितलाई न्याय दिनका लागि महिला पुरुष दुवैको हातेमालो अपरिहार्य छ ।

महिला पुरुष भनेर विभाजित रुपमा हेर्नु हुँदैन सबैले यसका विरुद्ध समान आवाज उठाएर न्यायिक समाजको पक्षमा जुट्नुपर्छ । साथसाथै सञ्चार जगत, अधिकारकर्मी, नागरिक समाजले निरन्तर खबरदारी  गर्नुपर्छ ।  समाजमा घटने  यस्ता  अपराधले धेरै कुरालाई प्रभाव पार्छ ।

भिड भाड र शक्तिको आडमा मात्रै आवाज उठाउने नभई आवाज विहिन आवाजको पक्षमा पनि क्रियाशिल हुन जरुरी छ । विभिन्न दबाब र आवाजले योरुनाको घटनामा छानविन समिति बन्यो । तर, सरस्वती  लिम्बुको घटना भने त्यत्तिकै हरायो । यस्ता घटनामा प्रहरी प्रशासनले विभेद गर्नु हुँदैन ।

शान्ति गुरुङ
प्रेस चौतारी नेपाल केन्द्रिय उपाध्यक्ष

shantee gurungयो भयभित अवस्था हो । समाज सभ्य भन्दा पनि असभ्य र विकृति उन्मुख भइरहेको छ । दुई दिनको अन्तरमा दुई महिलाको उही प्रकृतिको हत्याले महिलाको लागि समाज असुरक्षित हुँदै गएको आभाष भइरहेको छ ।

घटना एउटा परिवारलाई मात्रै परेको भनेर बुझ्ने संस्कारको अन्त्य गर्दै गम्भिर अपराधका घटनामा सम्पूर्ण जुट्नुपर्छ । दोषीलाई हदैसम्मको कारवाही नभएरसम्म यस्ता घटना निरन्तर भईरहन्छ ।

त्यसैले यस्ता अपराधलाई निरुत्साहित गर्न राज्यले छिटो भन्दा छिटो अपराधी पत्ता लगाएर कडा कारवाही गर्ने र प्रहरीले नागरिकलाई शान्ति सुरक्षाको आभाष दिलाउन सक्नुपर्छ ।

प्रकाशित मिति २०७२ माघ २२ गते शुक्रवार

    Comment Here!

Related NEWS
मुख्य खबर

सामाजिक सेवा र महिला अधिकार

-कल्पना नेपाल आचार्य- कति पीडा र व्यथा लुकाएर ओठमा मुस्कान छर्न तम्तयार छौँ । आफू जलेर आफ्ना चाहाना, खुशीहरुलाई

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

Read more
ताजा अपडेट
© 2015.All rights reserved by mahilakhabar.com
%d bloggers like this: