गाउँकाे क्याम्पसले दिलायो बुहारीलाई शिक्षामा पहुँच


प्रकाशित मिति :2016-02-09 10:52:36

महिला खबर

म्याग्दी  ।  म्याग्दीको ग्रामीण क्षेत्रमा क्याम्पस र उच्च मावि खुलेपछि छोरी बुहारीलाई उच्च शिक्षा हासिल गर्न सहज भएको छ ।

घरायसी, पारिवारिक र आर्थिक कारणले सहर बजारका क्याम्पस तथा उच्च माविमा पुगेर शिक्षा हासिल गर्न नसक्ने अवस्थामा रहेका छोरी बुहारी तथा विपन्नका लागि राहत मिलेको हो । घरको काम गरेर गाउँमै अध्ययन गर्ने अवसर पाएपछि  महिलाको उच्च शिक्षामा पहुँच बढेको छ ।

म्याग्दीका ग्रामीण क्षेत्रमा रहेका उच्च मावि तथा क्याम्पसहरुमा छात्रको तुलनामा छात्राको सङ्ख्या बढी छ । गाउँका क्याम्पस र उच्च मावि बरदानसावित भएको बाबियाचौरमा रहेको मङ्गला शिक्षा क्याम्पसमा अध्ययनरत कुशुम पाण्डेले बताउनुभयो ।

अझै पनि छोरी बुहारीलाई घर छाडेर सहरमा गई पढ्ने वातावरण  नहुँदा गाउँ मै खुलेका क्याम्पस र उच्च माविले उनीहरूलाई पढ्न सजिलो भएको पाण्डेको भनाइ छ ।

शिक्षा सङ्कायको अङ्ग्रेजी, गणित र नेपाली विषयका अध्यापन हुने उक्त क्याम्पसका ५१ विद्यार्थीमध्ये ४०  जना छात्रा रहेका छन् ।

यसैगरी सोही स्थानमा रहेको मङ्गला उच्च मावि तहको कक्षा ११ का ६८ विद्यार्थीमध्ये ३५ जना छात्रा र कक्षा १२ का ४८ मध्ये ३५ जना छात्रा रहेका प्राचार्य गमबहादुर खत्रीले जानकारी दिनुभयो ।

यसैगरी उत्तरी म्याग्दीको घारमा रहेको मुक्तिमार्ग शिक्षा क्याम्पसको पहिलो वर्षमा यस वर्ष भर्ना भएका ११ विद्यार्थीमध्ये तीनजना मात्रै छात्र  छन् । समाजमा अझै पनि छोरी बुहारीलाई घरदेखि टाढा गएर पढ्ने वातावरण नभएका बेला गाउँको क्याम्पसले उनीहरूलाई राहत प्रदान गरेको क्याम्पस प्रमुख ठगराज बरुवालले बताउनुभयो ।

गाउँमै उच्च मावि र क्याम्पस भएपछि शिक्षा, व्यवस्थापन र मानविकीलगायतका विषयको अध्ययनका लागि घर छाडेर सहरी क्षेत्रमा  पढ्न जानुपर्ने अवस्थाबाट धेरैले मुक्ति पाएका छन् । विशेष गरेर सहरी क्षेत्रमा गएर कोठा भाडामा लिई पढ्न नसक्ने  दलित र विपन्न समुदायका विद्यार्थीलाई राहत मिलेको छ ।

म्याग्दीको सदरमुकाम बेनीमा दुई र ग्रामीण क्षेत्रमा दुईवटा क्याम्पस छन् । यसैगरी जिल्लाभर १९ वटा उच्च मावि सञ्चालनमा रहेका छन् । सबै क्याम्पस र उच्च माविमा छात्राको सङ्ख्या बढी छ ।

प्रकाशित मितिः २०७२ माघ २६ गते मङ्गलवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: