समलिङ्गीबारे सर्वोच्च अदालतको आदेश कार्यान्वयन गर : आयोग


प्रकाशित मिति :2016-02-11 15:11:47

महिला खबर

काठमाडौ‌ंं । राष्ट्रिय मानवअधिकार आयोगका मानवअधिकार अधिकृत वासुदेव बजगार्इंले समलिङ्गी विवाहका बारेमा सर्वोच्च अदालतले दिएको आदेश कार्यान्वयन गर्न सरकारलाई पत्राचार गरेको जानकारी दिनुभएको छ।

काठमाडौंमा भएको अन्तरलिङ्गी व्यक्तिहरूको राष्ट्रिय कार्यशालामा बोल्दै उहाँले आयोगले यौनिक तथा लैङ्गिक अल्पसङ्ख्यकको विषयमा २०६४ साल पुस ६ गते सर्वोच्च अदालतले सरकारलाई दिएको आदेश र एक वर्ष अगाडि सरकारलाई बुझाएको समलिङ्गी विवाहबारेको प्रतिवेदन कार्यान्वयन गर्न पत्राचार गरेको बताउनुभएको हो।

नेपालमा पहिलो पटक आयोजना भएको अन्तरलिङ्गी व्यक्तिहरूको राष्ट्रिय कार्यशालामा बोल्दै उहाँले बजगार्इंले यौनिक तथा लैङ्गिक अल्पसङ्ख्यक समुदायभित्र पनि अन्तरलिङ्गी व्यक्तिमा विभेद दुःखद भएको बताउनुभयो।

आयोगले समलिङ्गी, तेस्रोलिङ्गीको अधिकारबारे काम गरिरहेको तर, अन्तरलिङ्गी व्यक्तिका समस्याबारे त्यति जानकारी हुन नसकेको उहाँको भनाइ थियो।

उहाँले संविधानमा सम्बोधन भएका यौनिक तथा लैङ्गिक अल्पसङ्ख्यक समुदायका अधिकार कार्यान्वयन गर्न आयोगले सरकारलाई बाध्य पार्ने प्रतिबद्धता समेत जनाउनुभयो।

महिला, बालबालिका तथा समाजकल्याण मन्त्रालयका उपसचिव भरत शर्माले यौनिक तथा लैङ्गिक अल्पसङ्ख्यक समुदायको समस्याबारे सरोकारवाला पक्षसँग अन्तर्क्रिया, बहसका कार्यक्रम सुरु गरेको बताउनुभयो।

कार्यक्रममा नीलहिरा समाजकी कार्यकारी निर्देशक मनिषा ढकालले हरेक निकायले अन्तरलिङ्गीको विषय समावेश गर्नुपर्ने माग राख्नुभयाे ।
प्रकाशित मिति २०७२ माघ २८ गते विहीवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: