चिकित्साशास्त्रको सबै पुरस्कार छात्राको पोल्टोमा


प्रकाशित मिति :2016-02-14 14:09:23

महिला खबर

धरान । विपी कोइराला स्वास्थ्य विज्ञान प्रतिष्ठानले चिकित्साशास्त्रको विभिन्न विषय र तहमा उच्च अंक ल्याउने विद्यार्थीलाई नियमित दिँदै आएको चार वटा प्रतिष्ठित पुरस्कार सबै छात्राले जितेका छन् ।

प्रतिष्ठानद्वारा शनिवार आयोजित १२ औं दिक्षान्त समारोहमा एमविविएसमा उच्च अंक ल्याउनेलाई दिइने उपकुलपति स्वर्ण पदक, नारायण गोविन्द स्वर्ण पदक र डा अवधनारायण स्मृति पुरस्कारबाट एमविविएसकी डा. स्नेहल अग्रवाल पुरस्कृत भएकी छन् । उनले तीन वटै पुरस्कार आफ्नो पोल्टोमा पार्न सफल भएकी हुन् । उनी २००९ मा भर्ना भएकी विद्यार्थी हुन ।

1

यसैगरी दन्तचिकित्सा तर्फ विडिएसकी एलिना तुलाधरले उपकुलपति स्वर्ण पदक र हरीमान–उमादेवी स्वर्ण पदक गरी दुई पदक हात पारिन् । विएस्सी नर्सिङ विषय तर्फ २०११ व्याचकी सुजाता कार्कीले पनि उपकुलपति स्वर्णपदक हात पार्न सफल भइन् । छात्रहरू पुरस्कार विहिन भएको यो पहिलो पटक हो ।

छोरीलाई पनि चिकित्साशास्त्र पढाउन सके छात्र भन्दा राम्रो अंक ल्याउन सक्छन् भन्ने उदाहरण यी तीन जनाले दिएका छन् । उनीहरूलाई कुलपति समेत रहेका प्रधानमन्त्री केपी शर्मा ओलीले पदक र प्रमाणपत्र दिँदै बधाई दिएका थिए ।

2

दिक्षान्त समारोहमा उल्लेख्य संख्यामा छात्रा पनि दीक्षित भएका थिए । चिकित्साशास्त्रका विभिन्न विधामा ३ सय ३१ जना दीक्षित भएका मध्ये स्नातकोत्तर एमडी/एमएस तहमा अध्ययनरत जनामा २०, एमडीएस तहमा ५ जना छात्रा दीक्षित भएका छन् ।

3

दीक्षित हुनेहरूमा एमविविएस तर्फ १ सय ६ जनामा २२ छात्रा रहेका छन् । दन्तचिकित्साको विडीएसमा ३३ जनामा १३ जना, विएस्सी एमएलटीमा १० जनामा दुईजना, विएस्सी एमआइटीमा ४१ जनामा ३५ जना छात्रा दीक्षित भएका छन् ।

विएस्सी नर्सिङमा २४ जना नै छात्रा दीक्षित भएका छन् । एमएस्सी नर्सिङमा २३ जनामा २१ जना दीक्षित भएका छन्  । चिकित्साशास्त्रको एमएस्सी अाधारभूत विज्ञानमा सात जनामा एकजना छात्रा दीक्षित भएकी छन् ।

प्रकाशित मिति २०७२ फागुन २ गते आईतवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: