सवैले नजाउ भनेपनि मैले आँट गरेँः बन्दना झा, स्थानीय विकास अधिकारी रौतहट


प्रकाशित मिति :2016-02-17 14:49:10

महिला खबर

काठमाडौं। सरकारी सेवामा प्रवेश गरेको ६ वर्ष मै स्थानीय विकास अधिकारी हुने मौका पाइन् ३५ वर्षीया बन्दना झाले। उनी रौतहट जिल्लाको स्थानीय विकास अधिकारी भएर ३ दिन अघि त्यहाँ पुगेकी हुन्। ‘गाह्रो हुन्छ नजाउ भन्ने सल्लाह धेरै आएको थियो, तर म आँट गरेर आएकी छु सफल हुन्छु’ महिला खबर डटकमसँग कुरा गर्दै झाले भनिन्।

परिवारसँग झा

परिवारसँग झा

सरकारी सेवामा शाखा अधिकृत भएर कृषि प्राविधिकमा २०६६ सालमा छिरेकी उनले महिला भएर यस्तो अप्ठ्यारो ठाउँमा काम गर्न नजान आएका सल्लाहलाई लत्याउँदै ४० औं जिल्ला विकाश अधिकारीको पद सम्हाल्न रौतहट पुगेकी हुन्।

रौतहटमा २ जना जिल्ला विकास अधिकारी निलम्बनमा परेका छन्। उनी भन्छिन् ‘ठेक्कापट्टामा राजनीतिककरणका कारण जिविसहरू बदनाम हुँदै आएको र काम गर्न समस्या पर्ने गरेको छ। म नियम अनुसार चल्छु, मलाई विश्वास छ सवैले मलाई सहयोग गर्नुहुनेछ।’

चाहेको भए आफू राजधानी मै बसेर सुखसँग जागीर खान पाउने भएपनि सरकारी सेवा प्रवेशको छोटो अवधी मै आफूले चूनौति लिन आँट गरेको उनको भनाइ छ।

आत्मविश्वास र पारिवारिक सहयोगले मधेशी समुदायबाट सरकारी सेवामा प्रवेश गरेर यति ठुलो जिम्मेवारी लिने आफू पहिलो भएको झा बताउँछिन्।

सर्लाही घर र राैतहट माइती भएकी उनले परिवारमा चार दिदीवहिनी मध्ये आफूसहित २ जना सरकारी सेवा कार्यरत भएकाे बताइन्। उनले विवाहपछि नै अध्ययन सकेर सरकारी जागिरमा प्रवेश गरेकी हुन्। उनले भनिन् श्रीमानले घरमा खाना बनाउनुभयो, म निजामति सेवा प्रवेशका लागि तयारी गर्न अध्ययन गरेँ र सफल भएँ।’

महिलाले चूनौति लिन सक्दैनन् भनेर पहिला नै निरुत्साहित गर्ने चलन गलत भएको उनको भनाइ छ। काम गर्न पुरुषलाई पनि गाह्रो हुन्छ, उनीहरूले चूनौति लिन सक्छन् भने महिलाले किन नसक्ने? उनको प्रश्न थियो।

प्रकाशित मितिः २०७२ फागुन ५ गते बुधवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: