कर्मचारीको सेवा सुविधामा भएको विभेद अन्त्य हुनुपर्छ: मन्त्री शर्मा


प्रकाशित मिति :2016-02-17 16:17:50

महिला खबर

Minister_Rekha_Sharmaभक्तपुर। सामान्य प्रशासनमन्त्री रेखा शर्माले एउटै तहका कर्मचारीलाई सरकारले दिने सेवा सुविधामा रहेको बिभेद अन्त्य हुनुपर्ने बताउनुभएको छ। उहाँले त्यसबारे सुझाव दिन सबैलाई आग्रह पनि गर्नुभयो ।

नेपाल बैंक राष्ट्रिय कर्मचारी संगठनको तेस्रो अधिवेशन उदघाटन कार्यक्रमलाई बुधबार भक्तपुरमा सम्बोधन गर्दै मन्त्री शर्माले भन्नुभयो, ‘विभिन्न क्षेत्रमा कार्यरत कर्मचारीको बीचमा राज्यले दिने सेवा सुविधामा रहेका बिभेद अन्त्य हुनु जरुरी छ। त्यसका लागि कसरी अघि बढ्दा कर्मचारीलाई सहज र ऐन, नियमअनुकूल हुन्छ, सुझाव दिन आग्रह गर्दछु।’

दलगत स्वार्थका ट्रेड युनियनले कर्मचारी प्रशासन र कर्मचारीको क्षेत्रमा भएका सकारात्मक कामहरूलाई पनि छायाँमा पारेकाले आफू आधिकारिक ट्रेड युनियनको निर्वाचन गराउन लाागिपरेको उहाँको भनाइ थियो । आफूले सामान्य प्रशासन मन्त्रालय सम्हालेपछि आधिकारीक ट्रेड युनियनको चुनाव चैत २८ गतेका लागि तोकेको जानकारी उहाँले दिनुभयो।

एउटमात्रै आधिकारिक ट्रेड युनियन भएमात्रै कर्मचारीलाई लाग्ने गरेका नकारात्मक आक्षेप समाधान हुने र सरकारको विश्वासिलो सहयात्री हुने उहाँको विश्वास थियो। मन्त्री शर्माले सबै क्षेत्रमा आधिकारीक ट्रेड युनियनको आवश्यकता औंल्याउनुभयो।

मन्त्री शर्माले देशमा नयाँ संविधान लागू भएपछि देश संघीयतामा गइसकेको र कर्मचारीहरूलाई त्यसअनुरुप व्यवस्थापन गर्ने तयारी भैरहेको जानकारी दिनुभयो।

प्रकाशित मितिः २०७२ फागुन ५ गते बुधवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: