यौन तथा प्रजनन् स्वास्थ्यमा अपांगको पहुँच पुगेन


प्रकाशित मिति :2016-02-17 16:29:45

महिला खबर

पोखरा। यौन तथा प्रजनन् स्वास्थ्यको क्षेत्रमा अपांगता भएकाहरूको पहुँच पुग्न नसकेको एक स्वास्थ्य अनुसन्धानको प्रतिवेदनले देखाएको छ।
सुनौलो परिवार नेपाल, मेरी स्टोप्स र अस्ट्रेलिया एडको संयुक्त आयोजनामा पोखरामा गरिएको अपाङ्गता भएका युवाहरूको यौन तथा प्रजनन् स्वास्थ्य अनुसन्धान प्रतिवेदन सार्वजनिक कार्यक्रममा अनुसन्धानकर्ता रामचन्द्र गैरेले प्रस्तुत गर्नु भएको प्रतिवेदनमा सो कुरा देखाइएको हो।

प्रतिवेदनले विभिन्न ६ जिल्लाका युवामा गरिएको अध्ययनले यौन तथा प्रजनन् स्वास्थ्यका लागि स्वास्थ्यकर्मी तथा स्वास्थ्य संस्था अपांगमैत्री बन्न नसकेको देखाएको छ। कास्की, सिराह, पर्सा, बारा, ललितपुर र मोरङमा दुई वर्ष लगाएर २९३ युवासँग गरिएको अध्ययनमा उनीहरू मध्ये ५४ प्रतिशतले स्वास्थ्य संस्थाको भौतिक संरचना अंपागमैत्री नभएको बताएका थिए। यसैगरी ५१ प्रतिशतलाई सुरक्षित गर्भपतनबारे जानकारी नै नभएको पाइएको थियो।

स्वास्थ्यकर्मीको अपांगमैत्री व्यवहारको अभावमा आफ्नो यौन तथा प्रजनन् जिज्ञासा राख्न नसकेको बताएका थिए। दोभाषेको अभावले पनि समस्या राख्न नसकेकेा उनीहरूको भनाइ थियो।

महिला बालबालिका तथा समाज कल्याण मन्त्रालयका उपसचिव हुमकला पाण्डेले कुल जनंसख्याको पाँच लाख १३ हजार अपांग भएको सरकारी तथ्यांक पेश गर्नुभयो। उहाँले भूकम्प र त्यसका पराकम्पनका कारणले मात्रै करिब चार हजार व्यक्ति अपांग बनेको बताउनुभयो।

कार्यक्रममा राष्ट्रिय अपांग महासंघका उपाध्यक्ष टीका दाहाल, नेपाल स्वास्थ्य अनुसन्धान परिषदका अनुसन्धान अधिकृत नमिता घिमिरे, मेरी स्टोप्सका निर्देशक केपी उपाध्यायलगायतले अपांगता भएकाहरूले आफ्नो यौन तथा प्रजनन् स्वास्थ्यबारे सचेत हुनुपर्ने र अपांगमैत्री वातावरणका लागि राज्यले पहल गर्नुपर्नेमा जोड दिएका थिए।

प्रकाशित मितिः २०७२ फागुन ५ गते बुधवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: