सिड छाँया प्रतिवेदनमा जनजाति महिलाका मुद्दा


प्रकाशित मिति :2016-02-18 13:03:08

महिला खबर
नेपालगन्ज । नेपालका आदिवासी जनजाति महिलाका सम्बन्धमा सिड समितिको निष्कर्ष सुझावको कार्यान्वयनको स्थिति र नेपालले अब बुझाउने छैटौं आवधिक प्रतिवेदनको छायाँ प्रतिवेदन तयारीका लागि बुधबारदेखि नेपालगन्जमा दुई दिने क्षेत्रीय संवाद कार्यक्रम सुरु भएको छ।
राष्ट्रिय आदिवासी जनजाति महिला महासंघ,आदिवासी महिला कानुनी सचेतना समूहलगायतका संघसंस्थाकाे संयुक्त आयोजनामा भएको कार्यक्रममा सहभागी आदिवासी जनजाति महिला प्रतिनिधिले महिलाविरुद्ध हुने भेदभाव उन्मूलन हेर्ने समिति (सिड)को निष्कर्ष कार्यान्वयन सम्बन्धमा आवधिक प्रतिवेदन अर्न्तगतको छायाँ प्रतिवेदनका लागि तथ्यगत र प्रत्यक्ष भोगेका विभेद तथा हिंसाका घटनाका बारेमा सुझाव प्रस्तुत गरेका थिए।

कार्यक्रमका सहभागीहरूले घरभित्र तथा समुदायमा हुने लैंगिक विभेदका कारण हुने हिंसा तथा विभेद सधैँ ओझेलमा पर्ने गरेको भन्दै यस्ता समस्यामा बृहत रुपमा छलफल आवश्यक रहेको आैंल्याए।

कार्यक्रममा सहायक प्रमुख जिल्ला अधिकारी गंज बहादुर एमसीले राज्यले महिलाको हितलाई मध्येनजर गर्दै सकारात्मक विभेद को नीति ल्याउनुपर्ने बताउनुभयो। आदिवासी जनजाति महिलाको शिक्षा तथा चेतनास्तर बढाउन राज्यले लगानी बढाउदै लैजानु पर्ने उहाँको भनाई थियो।

कार्यक्रमको मध्यपश्चिम क्षेत्रका आदिवासी जनजाति महिलाले प्रत्यक्ष भोगेका विभेद तथा महिला हिंसाका बारेमा रणनीतिक छलफल गरिएको थियो। उनीहरूले आदीवासी महिलालाई शिक्षामा पहुँच नभएका कारण स्थानियस्तरदेखि नेतृत्व तहमा आदीवासी महिला को सहभागिता कम हुने गरेको बताए।

कार्यक्रममा फातिमा फाउण्डेसनका संस्थापक अध्यक्ष तथा पुर्व सभासद महोम्मदी सिद्धिकी ,मानव अधिकार आयोगका क्षेत्रीय प्रमुख मुरारी खरेल ,जिल्ला बिकास समीतिका भरत मल्ल, जिल्ला प्रहरी कार्यालयका प्रहरी नायब उपरीक्षक भीम किरण बोगटी ,महिला तथा बालबालिका कार्यालय फोकल पर्सन बिन्दु कुवंर ,आदिवासी जनजाति महासंघ बाँकेका अध्यक्ष डम्बर थापा मगरलगायतले मन्तव्य राखेका थिए।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: