एनआरएन साउदीले भन्योः महिला कामदार नपठाऊ


महिला कामदारका लागि साउदी अरब उपयुक्त गन्तव्य हाेइन

प्रकाशित मिति :2016-02-25 10:23:08

महिला खबर

काठमाडाैं । साउदीस्थित गैरआवासीय नेपाली सङ्घ (एनआरएन) ले घरेलु महिला कामदार  साउदी नपठाउन नेपाल सरकारलाई आग्रह गरेको छ ।

नेपाल सरकारले साउदी अरबसँग श्रम सम्झौता प्रक्रिया अगाडि बढाउन प्रक्रिया थालिरहेकै बेला एनआरएन साउदीले विज्ञप्तीमार्फत यसबारे श्रम सम्झौता अघि नबढाउन समेत आग्रह गरेको हो ।

रोजगारीका लागि साउदी अरब जाने पुरुष कामदार नै विभिन्न समस्यामा परेको र महिला कामदारका लागि समस्या झन् जटिल बन्ने भन्दै सङ्घले  प्रक्रिया अघि नबढाउन सरकारसँग आग्रह गरेको हो ।

सङ्घले  विज्ञप्तिमा साउदी जाने घरेलु महिला कामदारमाथि शारीरिक, मानसिक तथा यौन हिंसालगायतका घटना बढीरहेको भन्दै महिला कामदार पठाउन अघि बढाइएको श्रम सम्झौताप्रति गम्भीर ध्यानाकर्षण भएको  जनाएको छ । महिला कामदारका लागि साउदी अरब उपयुक्त गन्तव्य नभएको विज्ञप्तिमा उल्लेख छ ।

विज्ञप्तिमा घरेलु महिला कामदार पठाउने कार्य तत्काल रोक्न र घरेलु महिला कामदारसम्बन्धी श्रम सम्झौता नगर्न भनिएको छ ।  साउदी अरबमा नेपाली महिला घरेलु कामदारका रूपमा ल्याउने प्रक्रिया र सम्झौता तत्काल अघि नबढाउन सङ्घले यसअघि श्रम मन्त्रालय, नेपाल वैदेशिक रोजगार विभाग, परराष्ट्र मन्त्रालय तथा साउदीस्थित नेपाली राजदूतावासलाई ध्यानाकर्षण पत्रसमेत बुझाइसकेको सङ्घका अध्यक्ष नारायण पासवानले बताउनुभयो ।

सरकारले साउदी अरबसँग गर्न लागेको सामान्य पुरुष कामदार (जनरल लेबर एग्रीमेन्ट) तथा घरेलु (महिला) कामदार गरी दुवै खाले श्रम सम्झौता प्रक्रिया अगाडि बढेको जनाएको थियो ।

प्रकाशित मितिः २०७२ फागुन १३ गते बिहीवार

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: