हिंसा पीडित महिलालाई बिचरा किन भन्ने ?


प्रकाशित मिति :2016-02-25 14:10:45

खेमा बस्नेत

कैलाली । हिंसा प्रभावित महिला मानसिक तनावमा भएको बेलामा उसलाई आत्मबल बढाउने कुरा गर्नु पर्ने महिला अधिकारकर्मीहरूको भनाइ छ । धेरै महिला घरेलु हिंसा,बहुविवाह,बलत्कार र प्रेम सम्बन्धका कारण आत्मबल घटेर आत्महत्या गर्ने गरेका छन् तर, उनीहरूलाई त्यो समस्याबाट माथि उठाएर उनीहरूको आत्मबल र सकारात्म सोचको विकास गरेमा महिला आत्महत्या गर्ने सोच नराख्ने दलित महिला अधिकार मञ्च कैलालीकी कार्यक्रम निर्देशक सावित्रा घिमिरेले बताइन ।  हाम्रो समाजमा हिंसामा परेका महिलाको आत्मबल बढाउनुको साटो विचरा अब केही गर्ने सक्दैन उसको जिन्दगी बरवाद भो भन्ने जस्ता कुरा गर्ने तर उसको आत्मबल बढाउने कुरा नगर्ने घिमिरेले भनाइ छ ।

अन्तरपार्टी महिला सञ्जाल कैलालीकी अध्यक्ष निरु रिजालले सकारात्क सोच भन्दा नकारात्क सोचका कारणले समाजमा हिंसा तथा आत्महत्या बढी रहेको बताइन । समाजमा महिलामाथि हेर्ने सकारात्क भन्दा पनि नकारात्क सोचकाकारण समाजमा हिंसा र आत्महत्या बढी रहेको उनको तर्क छ । रिजालल भनिन् ‘अब त्यस्ता हिंसा प्रभावित महिलालाई हामीले आत्मबल र आत्मविश्वास बढाउने काम गर्नु पर्दछ ।’

युएनओमेनकी योजना अधिकृत प्रतिभा चौधरीले महिला अगाडि बढ्दा जहिले पनि नकारात्मक टिप्पणी हुनाले उनीहरूको आत्मबल घट्ने गरेको बताउँछिन् । उनले भनिन् ‘महिला समाजका केही काम गर्न जाँदा ऊ माथि आउने नकारात्मक टिप्पणीले आत्मबलको कमी हुन्छ र उसले आत्महत्या गर्ने सोचमा पुग्छ । त्यसैले अब आफूबाट सकारात्मक सोच संगै आत्मबल उठ्ने गरी सहयोग गर्नुपर्दछ ।’

प्रहरीका अनुसार आर्थिक २०६८/६९ मा २०१ ,२०६९/७० मा २०२, २०७०/७१ मा २३१ र २०७१/७२ मा १६३ जनाले आत्महत्या गरेका थिए । यि मध्ये आव २०६८/६९ मा ११९,२०६९/७० मा १०४, २०७०/७१ मा १३९ र २०७१/७२ मा १०४ जना महिला रहेका छन् ।आत्महत्या गर्ने महिलाहरुमध्ये आव.२०६८/६९ मा झुण्डिएर ७४ जना र विष सेवन गरेर ४४ जना र आगो लगाएर १ जनाले  महिलाले आत्महत्या गरेका छन्  ।

त्यसैगरी २०६९/७० मा झुण्डिएर ५७, विष सेवन गरेर ४७ जनाले आत्महत्या गरेका छन् । २०७०/७१ मा झुण्डिएर ९०, विष सेवन गरी ४८ र आगो लगाएर १ जनाले आत्महत्या गरे भने २०७१/७२ मा झुण्डिएर ५६ र विष सेवन गरेर ४८ जना महिलाले आत्महत्या गरेका थिए  । चालु आर्थिक वर्षको ७ महिनामा ४५ महिलाले आत्महत्या जना महिलाले आत्महत्या गरेका छन् ।

घरेलु हिंसा जस्तै, मानसिक र शारिरीक यातना सामाजिक कारण जस्तै, अस्वस्थ प्रेम सम्बन्ध, चारित्रिक आरोप, गरिवि,अशिक्षा/जनचेतनाको कमी, मादक पदार्थ सेवन जस्ता कारणले आत्महत्या गर्ने गरेको जिल्ला प्रहरी कार्यालय कैलालीकी महिला सेलकी प्रहरी निरीक्षक शैलेश्वरी बोहोराको भनाइ छ ।

प्रकाशित मिति २०७२ फागुन १३ गते बिहीवार

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: