बुवापछि आमाको किरिया गर्दै छोरी


प्रकाशित मिति :2016-02-28 13:28:33

एकराज गिरी

झापा । समय अनुसार समाजको सोच र परम्परा पनि बदलिँदैछ ।  छोरा नहुँने आमाबुबा मृत्युपछि स्वर्ग पुग्दैनन् भन्ने सोचलाई  छोरीले तोड्न थालेका छन् ।

पुरानो मान्यता तोड्दै झापा शनिअर्जुन ४ फूलबारीकी १६ वर्षीया सुशीला खड्काले आमाको निधन भएपछि किरियामा बसेकी छन् । परिवारमा सन्तानको रुपमा दुई छोरी मात्र रहेको र दिदी सुस्माको विवाह भईसकेकाले कान्छी छोरी सुशीला आमाको किरियामा बसेको मृतकका भाइ किसन गिरीले बताए ।

आमा फूलमाया गिरी (खड्का)को गत माघ २९ गते ५३ वर्षको उमेरमा निधन भएको थियो । डेढ वर्ष अघि बुवा डम्बर बहादुर खड्काको पनि उनी आफैँ किरिया गरेकी थिइन् । त्यसबेला उनले केश मुण्डन नै गरेर किरिया गरेको छिमेकी राजकुमार चौहानले जानकारी दिए । यसपटक पनि उनले केश मुण्डन गर्ने इच्छा राखेकी थिइन्त, तर आफन्तले रोकेका थिए ।

photo-sushila khadka
आमा र बुवा दुबैजनाको पार्थिव शरीरमा दागवत्ती पनि उनैले दिएकी थिइन् । ‘छोरीले पनि आमा बुबाको काजकिरिया गर्न सक्छन्, छोरी पनि छोरा जत्तिकै सन्तान हुन् भनेर बुवापछि आमाको किरिया गरेकी हुँ’ सुशीलाले भनिन् । आर्थिक रुपमा अत्यन्त विपन्न खड्का परिवार मजदुरी गरेर जीवन गुजारा गर्दै आएको थियो । उनी आमाको किरिया मामाघरमा बसेर गरेकी थिइन ।

गरीबीकै कारण सुशीलाले पढ्न सकिनन् । शिक्षाको उज्यालोबाट बञ्चित रहेपनि सुशीलाको कर्मबाट आफन्त र छरछिमेक चकित छन् । डेढ वर्ष अघि बुबाको पनि किरिया गरेकाले अहिले सजिलो भएको उनले सुनाइन् । काज किरियामा बस्दा अपनाउनु पर्ने सम्पूर्ण विधिमा समेत उनी सामेल भएको देखेपछि स्थानीय झन् छक्क परेका थिए ।

‘यो सन्तानले गर्नुपर्ने कर्म पनि हो, छोराछोरी बराबरी हुन्’ सुशीलाले भनिन्– ‘आफूले यसरी किरियामा बस्दा बुबा–आमाले स्वर्गमा बास पाउनुहुन्छ भन्ने विश्वास छ ।’ बुबाआमाको किरियामा छोरी बसेको देख्ने, सुन्ने पहिला आश्चर्यमा परेपनि अहिले सहज रुपमा लिन थालेको स्थानीय राजु गिरी बताउँछन् ।

प्रकाशित मिति २०७२ फागुन १६ गते आईतवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: