कानुनी अधिकारवारे जानकारी नहुँदा हिँसा सहन वाध्य


प्रकाशित मिति :2016-02-29 15:39:02

सञ्जिला मोक्तान

रामेछाप। महिलाको सामाजिक सुरक्षा सुनिश्चित नहुँदा महिलामाथि भएका हिँसाका घटना सार्वजनिक हुन नसकेको सरोकारवालाले बताएका छन्। राष्ट्रिय महिला आयोगले आईतबार मन्थलीमा आयोजना गरेको महिला अधिकार विषयक विद्यालयस्तरीय सचेतना कार्यक्रमका सहभागीले सो कुरा बताएका हुन्।

कार्यक्रममा बोल्दै राष्ट्रिय महिला आयोगकी सदस्य भगवती घिमिरेले महिलाले हिँसा र यातना भोगिरहेका भएपनि उनीहरूको सामाजिक सुरक्षा नहुँदा त्यस्ता घटना सार्वजनिक हुन नसकेको बताउनुभयो।

महिलालाई राज्यको कानुनले प्रदान गरेको अधिकारको बारेमा जानकारी नहुँदा समेत हिँसा सहेर बस्ने गरेको उहाँको भनाई थियो। नेपालमा महिलाको अधिकारको संरक्षणको लागि धेरै नीति र कानुन बनेका भएपनि त्यसमा टेकर महिलाको अधिकार संरक्षण गर्न नसकिएको उहाँले बताउनुभयो।

कार्यक्रममा रामेछापका जिल्ला शिक्षा अधिकारी खुविराम अधिकारीले विद्यालयमा छात्राको सहभागिता उत्साहजनक रहेको भएपनि शिक्षण पेशामा अहिले पनि महिलाको सहभागिता सन्तोषजनक नरहेको बताउनुभयो।

महिला विकास अधिकृत सुशिला वाग्लेले रामेछाप जिल्लामा ४० हजार भन्दाबढी बालिकाको उमेर नपुगि विवाह भएको जानकारी दिँदै यसैबाट महिला हिंसाको बारेमा सहजै अनुमान गर्न सकिने बताउनुभयो।

कार्यक्रममा नेपाल पत्रकार महासंघ रामेछापका अध्यक्ष रमेश ढुङ्गेल, मन्थली उमाविका विद्यालय व्यवस्थापन समिति अध्यक्ष कुमार श्रेष्ठ, मन्थली सहिद स्मृति क्याम्पसका प्रमुख गुञ्जबहादुर श्रेष्ठलगायतले महिला अधिकारको संरक्षणको लागि सामाजिक सुरक्षा र सचेतनाका कार्यक्रम एकैसाथ लैजानु पर्नेमा जोड दिएका थिए।

प्रकाशित मितिः २०७२ फागुन १७ गते साेमवार

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: