नेहा पुनको हत्यारा जेल चलान


प्रकाशित मिति :2016-03-01 18:33:11

महिला खबर

bbbbपोखरा  । पोखरा नयाँ गाउँकी १९ वर्षीया योरुना पुन (नेहा)का हत्या आरोपित सतीश भन्ने कृतन खड्गी आज जेल चलान भएका छन् । जिल्ला अदालत कास्कीका न्यायाधीश शेखरप्रसाद पौडेलको इजलासको आदेशले उनलाई  जेल सजाय ताेकेकाे हाे । सोमबार सुरु भएको थुनछेक बहस सकिएपछि  अाएकाे अदालतकाे  आदेशअनुसार कृतन  आज नै जेल चलान भएको अदालतका स्रेस्तेदार दीनवन्धु बरालले जानकारी दिनुभयो  । कृतनलाई पछि ठहरे बमोजिम हुने गरी मुद्दाको किनारा नलाग्दासम्म थुनामा पठाइएको  बरालले बताउनु भयो ।

 कृतनविरुद्ध आइतबार कर्तव्य ज्यान र जबरजस्ती करणी मुद्दा दायर गरिएको थियो । कर्तव्य ज्यानमा सर्वस्वसहित जन्मकैद र जबरजस्ती करणीमा ६ वर्षसम्म कैदको मागदाबी गरिएको छ । मुद्दामा नेपाल सरकारको तर्फबाट जिल्ला न्यायाधिवक्ता गंगा प्रसाद पौडेल जाहेरीवालाको तर्फबाट अधिवक्ता सुरेन्द्र थापा मगर एड्भोकेसी फोरमबाट अधिवक्ता सरला पाण्डे, ल्याक कास्कीको तर्फबाट शोभा पौडेल पराजुली र सरिता थापा, अधिवक्ता विनीता नेपाली, कल्पना भण्डारीले बहस गरेका थिए । प्रतिवादी सतीशको  तर्फबाट अधिवक्ता दुर्गेशराज पन्तले बहस गरे ।

अदालत परिसरमा नेहाका आफन्त एवं साथीभाइले नाराबाजी गरेका थिए । वडा प्रहरी कार्यालय वैदामका प्रहरीले अदालतमा सुरक्षा दिएका थिए । हत्या र बलात्कारमा धेरै संलग्न भए पनि १ जनालाई मात्र पक्राउ गरी कारबाही गरिएको भन्दै उनीहरुले विरोध प्रदर्शन गरेका हुन् । उनीहरुले यसअघि पनि पोखरामा २ पटकसम्म विरोध प्रदर्शन गरेका थिए ।

नयाँगाउँ घर भइ न्युरोडस्थित स्माइल क्याफेमा कार्यरत १९ वर्षे नेहा पुनको शव माघ १९ गते बिहान उनकै घर नजिकै भेटिएको थियो । शव भेटिएलगत्तै सतीशलगायत युवालाई प्रहरीले पक्राउ गरेको थियो । अरुलाई छाडे पनि सतीशलाई थुनामै राखेको प्रहरीले माघ २५ गते पत्रकार सम्मेलन गरी सार्वजनिक गरेको थियो ।

प्रकाशित मिति २०७२ फागनु १८ गते मंगलवार

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: