गाउँका आमालाई सञ्चार तालिम


प्रकाशित मिति :2016-03-02 12:08:41

 महिला खबर

गुल्मी  । गुल्मी जिल्ला समाज युकेको आर्थिक सहयोगमा गुल्मी जिल्ला दोहलीका आमाहरूलाई सञ्चार सम्बन्धि तालिम दिएको छ ।

सञ्चारिका समूह, सेवा सञ्चार गुल्मी र क्रियाशील पत्रकार महिलाले संयुक्त रुपमा आयोजना गरेको सो तालिममा दोहलीका साथै सोही आसपासका विभिन्न समूहमा आबद्ध २२ जना महिलाको सहभागिता रहेको थियो ।

गाँउगाँउमा आमा समूह र महिला समूहहरू छन् र विभिन्न सामाजिक कार्यमा सक्रिय रहन्छन् तर पनि समाचार आइरहेको हुँदैन । समाचार कहाँ कसरी पठाउने भन्ने बिषयमा जानकारी नहुँदा धेरै कुरा गुपचुप रहेकाले यो तालिमको आयोजना गरेको सेवा सञ्चार गुल्मीका अध्यक्ष गंगा खड्काले जानकारी दिनुभयो ।

उहाँले भन्नुभयो ‘अब सबै नागरिक सूचना प्रवाह गर्ने हुन सक्नुपर्छ अन्यथा समाजका हरेक सकारात्मक कुरा बाहिर आउन सक्दैनन् । सञ्चारले विश्वलाई एकै ठाउँमा बनाइरहेको अवस्थामा ग्रामिण क्षेत्रका आमाहरू सञ्चारबाट कत्ति पनि बञ्चित हुन नपरोस् त्यसैले तालिमको आयोजना गरेका हौ ।’

तालिममा सहभागि महिला समूह दोहलीका अध्यक्ष तारा अर्यालले आफूहरूलाई सञ्चार वा नेतृत्व विकास सम्बन्धि तालिमको अभावमा आफ्नो ठाउँमा हुने क्रियाकलापबाट बञ्चित रहेको बताउँदै यस्ता तालिम आवश्यक रहेको विचार व्यक्त गर्नुभयो ।

३ घण्टाको बाटो हिडेर तालिममा सहभागी दोहली ९ का रिता अधिकारीले सञ्चार तालिमले आफूलाई केहि हदसम्म बोल्न र सञ्चारको महत्व बुझाएको बताउनुभयो ।

कार्यक्रममा दोहली गाविसका सचिब तथा कार्यक्रमका अध्यक्ष भिम प्रसाद पोख्रेलले आफ्नो गाउँमा तालिम पुर्याएकोमा धन्यवाद दिनुभयो ।

दोहली श्रोतकेन्द्रका श्रोत व्यक्ति तथा कार्यक्रमका प्रमुख अतिथि लाल बहादुर कुंवरले सञ्चार तालिम गाउँका आमालाई आवश्कता रहेको बताउनुभयो ।

प्रकाशित मिति २०७२ फागनु १९ गते बुधवार

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: