पुर्ननिर्माणमा महिलाले महत्वपूर्ण भूमिका खेल्नुपर्छः गृहमन्त्री


प्रकाशित मिति :2016-03-03 12:05:40

निर्मला भट्ट
DSC_1214काठमाडौं। गृहमन्त्रीशक्ति बस्नेतले विपदमा सवैभन्दा बढी प्रभावित भएका महिलाले भूकम्प पछिको पुर्ननिर्माणमा महत्वपूर्ण भूमिका खेल्नुपर्ने बताउनुभएको छ। बुधवार काठमाडौंमा सम्पन्नलैंगिक उत्तरदायी विपद व्यवस्थापन विषयक कार्यक्रममा बोल्दै उहाँले ढिलै भएपनि पुर्ननिर्माणको काम शुरु भएकाले अव लैंगिक संवेदनशिलता र समान सहभागिताका विषयलाई संबोधन गरेर अघि बढ्ने बताउनुभएको हो।

भूकम्पमा ज्यान गुमाउनेमा बढी महिला रहेको र सवैभन्दा बढी दुःख महिलाले भोगेकाले राहत दिँदा उनीहरूका पीडामा मल्हम पुग्ने गरी नीति निर्माण गरिनुपर्ने उहाँको भनाइ थियो। अव आउने अवसर र प्रतिफलमा महिलाले स्वभाविक अधिकार पाउनुपर्ने मन्त्री बस्नेतले बताउनुभयो।

कार्यक्रमका सहभागीले महिला भएकै कारण भूकम्प पीडितले राहत नपाएको गुनासो गरे। भूकम्प अति प्रभावित १४ जिल्लाबाट कार्यक्रममा सहभागी महिलाले राहत वितरणमा समेत विभेद गरिएको बताएका हुन्। विपदमा सवैभन्दा बढी महिला नै प्रभावित हुने भएपनि महिलाले पुर्ननिर्माणमा अवसर र प्रतिफल नपाएको उनीहरूको भनाई थियो।

सहभागी पीडित महिलाले बालबच्चालाई पनि सुरक्षित स्थानमा लग्नुपर्ने, सासु ससुराका लागि घर भित्र फर्किनुपर्ने, गर्भावस्था, सुत्केरीमा समस्या परेको बताएका थिए। ललितपुर खोकनाकी अप्सरा डङ्गोलले केन्द्रीय तहबाटै महिलालाई हेपिने भएकाले आफूहरूले आवाज समेत उठाउन नसकेको बताउनुभयो। भूकम्पमा घर मात्रै नभई मन समेत भत्किएको उहाँको भनाई थियो।

कार्यक्रममा राष्ट्रिय महिला आयोगका अध्यक्ष मनु हुमागाईले महिला बसेको त्रिपाल खोसिएको, राहत कार्ड नदिईएकोलगायतका काम समेत भएकाले विपतमा परेका महिलालाई झनै अप्ठ्यारो पार्ने काम गरिएको सुनाउनुभयो। भूकम्प पछिको पुर्ननिर्माणका लागि गठित पुर्ननिर्माण प्राधिकरणमा २ जनामात्रै महिला रहनु दुःखद भएको उहाँको भनाइ थियो ।

दुईदिनसम्म चलेको कार्यक्रमले १५ बुँदे घोषणा पत्र जारी गरेको छ। घोषणा पत्रमा पुर्ननिर्माण र लैंगिक उत्तरदायी विपद व्यवस्थापन गर्न नीति तथा योजना निर्माण गरी कार्यान्वयन गर्नुपर्ने , महिलाका आवश्यकताका आधारमा लैंगिक असमानतालाई संबोधन हुनेगरि निति तर्जुमा गर्नुपर्ने, विपद व्यवस्थापनमा ५०/५० प्रतिशत सहभागिता सुनिश्चित गर्नुपर्ने, अवसर र प्रतिफलमा समान पहुँच हुनुपर्नेलगायतका बुँदा समेटिएका छन्।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: