दुई नाबालक छोरीसहित विष खाइन गर्भवतीले


प्रकाशित मिति :2016-03-04 11:52:36

रुपा गहतराज
नेपालगन्ज। बर्दियाकी एक गर्भवती महिलाले बुधबार आफूसँगै दुई नाबालक छोरीलाई पनि विष खुवाएर  अात्महत्याको प्रयास गरेकी छन् । धधवार गाविसकी किसिता चौधरीले आफूसहित २ छोरीलाई विष खुवाएकी हुन्। विष सेवनका कारण ४ वर्षीया छोरी गंगा चौधरीको उपचारका क्रममा मृत्यु भएको जिल्ला प्रहरी कार्यालय बर्दियाका डीएसपी नेत्रमणि गिरीले जानकारी दिनुभयो ।

माइत बस्दै आएकी किसीताले बुधबार दिउसो दुई छोरीसहित आफूले पनि बिष सेवन खाएको प्रहरीले बताएको छ । आमा किसिता चौधरीको अवस्थामा सुधार आएपनि अर्की छोरी जमुना चौधरी को अवस्था भने गम्भीर रहेको र उनीहरूको जिल्ला अस्पताल बर्दियामा उपचार भइरहेको डीएसपी गिरीले जानकारी दिनुभयो।

घरमा कोही नभएको मौका छोपेर उनले आफूसहित दुई छोरीलाई विष खुवाएको प्रहरीले बताएको छ। प्रहरीका अनुसार उनले आफूसहित छोरीलाई विषसेवन गराएको कारण खुल्न सकेको छैन । घटनाबारे थप अनुसन्धान भइरहको प्रहरीले जनाएको छ। स्थानीयवासीले उनीहरूलाई बेहोश अवस्थामा अस्पताल पुर्‍याएका थिए।

किसिताका श्रीमानले सामान्य मजदुरी गरेर आफनो परिवार पाल्दै आएका छन्। बर्दिया इन्सेकका प्रतिनिधि मान बहादुर चौधरीले घटना सामान्य नभएको भन्दै घरेलु हिसांका कारण महिलाले बिष सेवन गरेको हुन सक्ने प्रतिक्रिया दिनुभयो। उहाँले प्रहरीले घटनालाई सामान्य लिएपनि यसको भित्री रहस्यको अनुसन्धान हुनुपर्ने बताउनुभयो।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: