भूकम्पछि अवैध रुपमा वैदेशिक रोजगारीमा जाने महिलाको संख्या वढ्दो


प्रकाशित मिति :2016-03-04 12:01:22

रमला सिंगक
झापा । पूर्वी नाका हुँदै अवैध रुपमा बैदेशिक रोजगारीमा जाने महिलाको संख्या बढेको छ। मानव वेचविखन नियन्त्रणमा सक्रिय माईती नेपालको तथ्यांकले यस्तो देखाएको हो। भारतीय बाटो हुँदै खाडी मुलुक नजान सरकारले गरिरहेको आह्वान् बेवास्ता गर्दै अवैध रुपमा त्यता जाने महिलाको संख्या वढिरहेको देखिएको छ।

सन् २०१५ मा दुई सय ९५ महिलालाई कांकडभित्तावाट फर्काईएको थियो भने सन् २०१४ मा दुई सय ५० लाई नाकामा रोकेर आफन्तको जिम्मा लगाईएको माईती नेपाल झापाको तथ्यांकमा उल्लेख छ।

यसै गरी सन् २०१५ मा बेचविखनका ५ मुद्दा दर्ता भएका छन् भने सन् २०१४ मा यस्ता प्रकृतिका घटना एउटै मात्र दर्ता भएको थियो। गत बैशाखको भूकम्पपछि भने यो नाका हुँदै वैदेशिक रोजगारीमा जाने महिलाको संख्यामा वढेको संस्थाले जनाएको छ।

सन् २०१५ मा ३० जनाको उद्धार, ६ वटा घरेलु हिंसाका घटना, २१ हजार तीनसय २० लाई सुरक्षित स्थानागमन, र १ सय ४८ वटा हराएको निवेदन परेको थियो। हराएका मध्ये ३३ जना फेला पारेको कार्यालयले जनाएको छ। सन् २०१४ मा ३१ को उद्धार, चार वटा घरेलु हिंसा,२१ हजार ९८ लाई सुरक्षित स्थानागमन गरिएको थियो।

थोरै खर्चमा जान पाईने, नेपालवाट गएभन्दा कम झन्झट वेर्होनुपर्नेलगायत कारणले महिलाले भारतीय वाटो रोज्ने गरेको यस क्षेत्रमा काम गर्दै आएकाहरू बताउँछन्। भारतिय दलालको भरपरेर जाँदा कयौं महिला गन्तव्य नपुगेको र पुगेपनि भनेजस्तो काम नभेटेको, यातनावाट पीडित भएका घटनाहरू आइरहँदा महिलाले जोखिमपूर्ण वाटो त्याग्न नसकेको माईती नेपालको अभिलेखले वताउँछ।

नेपाली महिला बैदेशिक रोजगारीमा जाँदा जोखिममा परेपछि भारतीय वाटो प्रयोग गर्न वन्देज छ। माईती नेपाल पूर्वाञ्चल प्रमुख गोविन्द घिमिरेले भने, ‘अज्ञानता,गरिवी, वेरोजगारी, अशिक्षालगायत धेरै कारणले नेपाली महिला खाडी मुलुक जान बाध्य छन्। दैनिक चार पाँच जना महिलालाई रोकेर शंका लागे प्रहरीको जिम्मा लगाई अभिभावक बोलाएर पठाउने गरेका छौं।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: