श्रीमानले गर्भ अस्वीकार गरेपछि विष खाएँः किसिता चौधरी


प्रकाशित मिति :2016-03-07 13:59:32

रुपा गहतराज
नेपालगञ्ज । जव आफ्नै श्रीमानले गर्भ मेरो होइन भने बर्दिया धधवार गाविस की २२ बर्षीया किसीता चौधरीलाई संसारै हारे जस्तो लाग्यो । पाँचवर्ष अघि अबिनाश चौधरीसँग हाँसीखुशी जिन्दगी जिउने बाचासहित प्रेम विवाह गरेकी किसिता विवाह गरेको छोटो समय मै श्रीमानको यातनाका कारण माइतीको शरणमा पुगेकी थिइन् ।

श्रीमानको फरक ब्यवहार र तिरस्कार अनि सासुको टोकेसो सहन नसकेपछि उनी माइतीको शरणमा पुगिन् । तर प्रेमको चिनो उनको गर्भमा आइसकेको थियो । उनी माइतीमै बसेर दुखसुख गुजरा चलाइन् । यहि वीचमा उनले दुई जुम्ल्याहा छोरी जन्माइन् । आमा र भाउजुको सहयोगमा दुई जुमल्याहा छोरी लाई बा आमा दुबै बनेर हुर्काइन् । चार वर्षपछि उनका श्रीमान फेरी उनलाई लिन आइपुगे । झिनो आशा पलायो । श्रीमानको यातना र तिरस्कार सहेरै भएपनि श्रीमानसँगै बस्ने निधो गरेर उनी अघि लागिन्, तर उनको यो कठोर निर्णयपनि धेरै समयसम्म टिक्न सकेन । उनीमाथिको यातना सहनै नसक्ने गरि फेरी दोहोरियो । अन्नत उनी फेरी माइती फर्किन, एक्लै होइन गर्भमा अर्को बच्चा आइसकेको थियो । उनको यही गर्भ श्रीमानले अस्वीकार गरे । अनेकौ आरोप लगाए । सहि नसक्नु भएपछि फागुन १९ गते दुईछोरीसहित आफूले पनि विष खाइन् ।

बाँच्नु भन्दा मर्नु बेश भन्दै उनले मृत्युको बाटो रोजिन् । घरमा कोही नभएको बेला दिउँसो तरकारीमा छर्कने बिषादी भातमा हालेर खाइन् । उनी बेहोस भएर ढलेपछि छोरीले आमाले छाडेको भात खान थाले अनि सबैजना त्यही ढले । जिल्ला अस्पताल बर्दियामा उपचारमा रहेकी किसिता चौधरीलाई आफैँले खाएको बिष लागेन । उनी बाँच्न सफल भइन्, तर उनलाई नखाएको बिष लागेको छ । शरीर उनको ज्युँदो छ । तैपनि उनी मुर्ती सरह छन । कुनै प्रश्नको जवाफ छैन उनीसँग ।

९ महिनाकी गर्भवती किसिताकी ४ बर्षीया छोरी गंगाा चौधरीको उपचारका क्रममा मृत्यु भइसकेको छ । अर्की छोरी जमुनाको अझै उपचार चलिरहेको छ । आफ्नै कारणले एउटा छोरी गुमाएकी किसिता अहिले पश्चापमा जलिरहेकी छन् । उनले छोरीहरूलाइ आफूले बिष नखुवाएको बताउँछिन । उनले भनिन –‘मैले छोरीहरू लाई मार्न चाहेको होइन । ममात्र मर्न चाहेको हो ।’

छेउमा रहेकी दिदी अर्चना चौधरीले बहिनीलाई विष खाने अवस्थासम्म पु=याउनेमाथि छानबीन हुनुपर्ने बताउँछिन् । उनले भनिन् र्–बहिनी सधैँ तनावमा हुन्थी । घरका ले कुनै वास्ता नगर्ने भएकाले पनि यो अवस्था भयो । सासु र श्रीमान अस्पतालमा भएपनि भएको कुनै आभाष छैन । उनीहरू बहिनीसँग बोलेका छैनन् ।’

किसिताका दाजु अजय चौधरी समेत यो घटनाले स्तब्ध छन् र्। बहिनीलाई हामीले निभाउनु पर्ने सम्पुर्ण कर्तव्य निभाउँदै आएका थियौं’ उनले भने ।

४ वर्षीया छोरी गंगा चौधरीको उपचारका क्रममा मृत्यु भएपछि किसितालाई कर्तब्य ज्यान मुद्दा चलाउनुपर्ने जिल्ला प्रहरी कार्यालय बर्दियाका प्रहरी नायब उपरीक्षक नेत्रमणि गिरी बताउँछन् ।

उनले भने –‘उनले अपराध गरेको प्रमाणित भएपछि सजायको भागिदार हुनै पर्छ ।’ उनको पारिवारिक समस्याको अनुसन्धान प्रहरीको दायित्वमा नपर्ने भन्दै गिरी पन्छिए ।

बर्दिया जिल्ला अस्पतालमा उपचाररत किसिता चौधरीसँग गरिएको कुराकानीमा आधारित ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: