विपद् बोकेर हिँड्ने कलाकार


प्रकाशित मिति :2016-03-11 15:53:07

महिला खबर

Asmina 2

कलाकार अस्मिना रञ्जित

काठमाडाैं । कलाकार अस्मिना रञ्जित। यी महिलाबादी कलाकारले राज्यलाई सधैँ रचनात्मक शैलीमा घच्घच्याउँछिन्। अहिले उनले ‘विपद्’ नाम दिएर एउटा अस्थिपञ्जर बोकेर हिँड्छिन्।

‘मंसिर २३ गतेदेखि बोक्न थालेको, त्यो दिन निरन्तर ८१ घण्टासम्म बोकेँ, संविधान जारी गरेको ८१ दिन भएको थियो। एक दिनमा १ घण्टाका दरले ८१ घण्टा बोकेकी हुँ’ उनले भनिन्।

Asmina

‘हामीले महिलामैत्री संविधानका लागि धेरै आन्दोलन गर्‍यौं। तर, त्यो पाएनाैं। आमाको नाममा आफ्ना सन्तानलाई नागरिकता दिन राज्यले बाबुको उपस्थिति अनिवार्य खोज्यो। त्यसैले यो संविधानले महिलालाई राज्यविहिनको अवस्थामा ल्यायो र महिलालाई दोस्रो दर्जा कै नागरिकका रुपमा हेर्‍यो। त्यसैले महिलाका लागि राज्य कहीँपनि छैन भन्ने संकेतका रुपमा मैले यो अस्थिपञ्जर बोक्न थालेँ’ अस्मिना भन्छिन्।

यो मात्रै होइन भूकम्पका बेला सरकारको तदारुकता पटक्कै नदेखाउँदा पनि सरकार छैन, राज्य मर्‍यो भनेर साकेंतिक रुपमा विरोध गरेको उनले बताइन्।

a4

उनी जहाँ जाँदा पनि यसलाई बोकेरै हिँड्छिन्। यो बीचमा उनी पाकिस्तान जाँदा समेत उनले यो बोकेरै गइन्।
अहिले पनि दिनको १ घण्टा यो अस्थिपञ्जर बोक्ने गरेको उनले बताइन्। भन्छिन् ‘बाहिर गएका बेला त छ सात घण्टा भै नै हाल्छ।’
विरोध गर्ने यस्तो शैलीको अवधारणा कसरी आयो भन्ने महिला खबरको जिज्ञाशामा उनले भनिन्  ‘भूकम्पपछि नै राज्यले निभाउनु पर्ने दायित्व ननिभाएपछि यो अवस्थाको कसरी बिरोध गरुँ भन्ने भइरहेको थियो, यसैबीचमा संविधान पनि आयो, संविधानमा महिलाका लागि जे आयो यसले मलाई झनै आक्रोशित बनायो र यो शैली अपनाएँ।’

a5

नयाँ संविधानले महिला आन्दोलनको अपमान गरेको उनको ठहर छ । ‘संविधानले महिलालाई आधारभुत कुरा नै दिएन,अलिअलि दिएस्तो गरेर रणनीतिक रुपले राज्यले महिलालाई अलमल्याएको हो’ उनी भन्छिन्। महिलाले मेरो पनि देश हो भनेर भन्न सक्ने कुरा संविधानमा नआएको उनको भनाइ छ।

राज्यले कही आफ्नो उपस्थिति नदेखाउने बेलासम्म यो अस्थिपञ्जर बोकेरै हिँड्ने उनको योजना छ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: