दाेस्राे विश्व महिला सम्मेलन काठमाडौंमा हुने


प्रकाशित मिति :2016-03-11 16:30:13

महिला खबर

काठमाडौं ।  फागुन ३० गतेदेखि चैत ५ गतेसम्म काठमाडौँमा दोस्रो विश्व महिला सम्मेलन हुने भएको छ । दोस्रो विश्व महिला सम्मेलन मूल आयोजक समितिले अाज काठमाडाैंमा पत्रकार सम्मेलन गरी विश्वका महिला र विश्वको महिला आन्दोलनका बारेमा  छलफल गर्न सम्मेलनकाे अायाेजना गर्न लागिएको जानकारी दियाे। ‘विश्वका महिला सर्वोच्च शिखर चुम्दैछन्’ भन्ने मूल नारासहित हुने उक्त सम्मेलनमा नेपाल, भारत, भेनेज्युएलालगायत विश्वका ४७ देशका ७०० प्रतिनिधिको सहभागिता रहने सम्मेलन प्रचार विभाग प्रमुख मीना पुनले जानकारी दिनुभयो ।

सम्मेलनमा साम्राज्यवाद, पुँजीवाद, र महिलामाथिको उत्पिडन, महिला आन्दोलन र महिलावाद, युद्ध प्रभाव र महिला मुक्ति, स्वाधिनताको लडाईमा महिलाको भूमिका, श्रमिक वर्गीय आन्दोलन, युनियनको सङ्घर्षमा श्रमिक महिलाको भूमिका, युवा महिला र राजनीतिमा युवा महिलाको सहभागितालगायतका नौ वटा विषयमा छलफल हुने जानकारी अयोजकहरूले दिएका छन् ।

नेपाल प्रज्ञा प्रतिष्ठानमा हुने सो सम्मेलनको उद्घाटन सभामुख ओनसरी घर्तीले गर्ने कार्यक्रम रहेको छ । सम्मेलनभर हरेक साँझ विभिन्न देशले छुट्टाछुट्टै सांस्कृतिक कार्यक्रमको आयोजना गर्ने आयोजकले जनाएको छ । सम्मेलनले काठमाडौँ घोषणापत्र जारी गर्नेछ ।

सम्मेलनमा नेपालबाट सात कम्युनिष्ट राजनीतिक दलका ३५० र विदेशी ३५० जनाको उपस्थिति रहनेछ । हरेक पाँच वर्षमा हुने सम्मेलनमा पहिलो विश्व महिला सम्मेलन सन् २०११ मा भेनेज्युएलामा भएको थियो ।

सम्मेलनमा नेपालबाट नेकपा (एमाले) निकट अखिल नेपाल महिला सङ्घ, राष्ट्रिय जनमोर्चा नेपाल निकट अखिल नेपाल महिला सङ्घ, एमाओवादी निकट अखिल नेपाल महिला सङ्घ क्रान्तिकारी, नेकपा क्रान्तिकारी माओवादी निकट अखिल नेपाल महिला सङ्घ (क्रान्तिकारी), नेकपा (माले) निकट अखिल नेपाल प्रगतिशील महिला सङ्घ, नेकपा संयुक्त निकट अखिल नेपाल महिला सङ्घ फेडेरेसनको सहभागिता रहनेछ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: