विधवा बुहारीको विवाह गरिदिने सासु अभिनन्दित


प्रकाशित मिति :2016-03-14 13:30:00

गगनशिला खड्का

गुल्मी। विधवा बुहारीलाई छोरी मानेर विवाह गरिदिने सासुलाई गुल्मीका अधिकारकर्मी महिलाले अभिनन्दन गरेका छन्। रेसुङ्गा नगरपालिका २ बाघमारे निबासी लक्ष्मी नेपालीले आफ्नो जेठो छोराको मृत्य भएपछि बुहारी उषाको विवाह गरिदिएर समाजमा उदाहरणीय काम गरेको भन्दै उनलाई अभिनन्दन गरिएको हो।

अमरकल्याण महिला विकास बुहुउद्देश्यीय सहकारी संस्थाको समन्वयमा अखिल नेपाल महिला संघ, अखिल नेपाल महिला संघ (क्रान्तिकारी) एकल महिला समूह, दलित महिला संघ, सञ्चारिका समूह, संघर्षशील महिला बन गुल्मीले आयोजना गरेको कार्यक्रममा गुल्मीका सांसद कमला विश्वकर्मा र प्रमुख जिल्ला अधिकारी प्रदिपराज कँडेलले लक्ष्मी नेपाली र श्रीमान इश्वरी नेपालीलाई अभिनन्दन गर्नुभएको हो।

Laxmi 11

२०६३ साल असारमा आफ्ना छोरा प्रदिप नेपालीसँगै घर भित्रिएकी बुहारी विधुृवा भएपछि छोरी उनको उज्वल भविष्यको कामना गर्दै लक्ष्मीले धुर्कोट रजस्थल १ का आशिष नेपालीसँग विवाह गरीदिएकी थिईन्। बुहारीको विवाह गरीदिने नेपाली दम्पतीलाई सम्मान गर्दै सांसद विश्वकर्माले सामाजिक रुपमा उदाहरणीय काम गरेकोमा बधाई दिनुभएको थियो।

समाज परिवर्तनका लागि भूमिका निर्वाह गर्ने नेपाली दम्पत्ती जस्तै अन्य व्यक्तीलाई पनि नागरिक अभिनन्दन सहित सम्मान गरेर काम गर्ने हौसला राज्यले पनि बढाउनुपर्ने उहाँको भनाइ थियो। ‘बुहारीलाई छोरी मानेर विवाह गरीदिने सासु नेपालमा छैनन्। लक्ष्मीले हिम्मत साथ बुहारीको दोस्रो विवाह गरीदिएर देश विदेशमा राम्रो सन्देश गएको छ, उहाँले भन्नुभयो। उषाको जस्तै विवाह भएको छोटो समयमै विधवा बनेका बुहारीहरूलाई लक्ष्मीले जस्तै अर्को घरबारको व्यवस्था गरीदिनुपर्ने सांसद कमला विश्वकर्माको भनाइ छ।

बुहारी विवाह गरीदिने सासुका बारेमा महिला खबरमा समाचार आएपछि आफूहरूले नागरिक अभिनन्दन कार्यक्रम गरी सम्मान गरेको संयोजक संस्था अमर कल्याणकी अध्यक्ष गंगा थापाले बताउनुभयो।

उहाँले समाजमा उदाहरणीय काम गर्नेलाई प्रोत्साहन गर्नुपर्ने बताउनुभयो। गुल्मी जिल्लाका अधिकारकर्मी महिलाले सामाजिक रुढीवादी परम्परा र कु संस्कारविरुद्धमा आँट र साहस बटुलेर विधुवा बुहारीको विवाह गरीदिने सासु र ससुरालाई समाज परिवर्तनको वाहकका रुपमा नागरिक अभिनन्दनसहित सम्मान गरीएको ती संघ संस्थाका प्रतिनिधिले बताए।

छोराको मृत्युपछि कलिलै उमेरमा विधवा बनेकी बुहारीको मेहनेत, माया र ममताका कारण भविष्यको चिन्ता लागेर आफूले छोरीजस्तै मानेर विवाह गरीदिएको सासु लक्ष्मीले बताउनुभयो। ‘अहिले त उनीहरूको जीवन राम्रोसँग चलेको छ, २ वर्षको नाति पनि छ’ उहाँले भन्नुभयो ।
कार्यक्रममा उषाले आफ्नो दाम्पत्य जीवन खुसी साथ चलेको बताउनुभयो। उषाले भन्नुभयो ‘अहिले बाबु जन्मिएको छ, हामी निकै खुसी छौँ’ पहिलाको घरमा माइती सम्झेर आउने जाने गरीरहन्छु।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: