बालविवाहविरुद्धका मुख्य अभियन्ता बालबालिका


प्रकाशित मिति :2016-03-15 15:19:58

रुपा गहतराज
नेपालगञ्ज ।  बाँकेका मधेशी समुुदायमा कुसंस्कार, धर्मप्रतिको आस्था, परम्पराको नाममा व्याप्त रहेको बालविवाहलाई प्रयास गरे अन्त्य गर्न त्यति गाह्रो नरहेको  एक कार्यक्रमका बक्ताले बताएका छन् ।  बाँकेको राप्तीपारी रहेको महेन्द्र मावि मटेहियामा आयोजित एक कार्यक्रममा बोल्दै  समाजका अगुवाले प्रहरी, सामाजिक अभियन्ता, सञ्चार माध्यम र स्थानीय बासिन्दा मिलेर काम गर्ने हो भने कुनैपनि विकृति र अपराधलाई निमिट्यान्न पार्न सकिने बताएका हुन् ।

कार्यक्रममा बोल्दै महेन्द्र मावि विद्यालय व्यवस्थापन समितिका सदस्य श्यामता प्रयास यादवले गौना, थौनालगायतका बेला बालिकाको उमेर कानुन बमोजिम पुगेपनि कम उमेरमा विवाह गर्दा भावनात्मक समस्या हुने गरेको बताउनुभयो  । .

स्थानीय गणपति सामुदायिक बनका अध्यक्ष राजेन्द्र दीक्षितले, वालविवाहविरुद्धका मुख्य अभियन्ता विद्यार्थी रहेको बताउँदै सबै विद्यार्थीले आफ्नो घरबाटै विरोधको स्वर बलियो बनाउनु पर्ने सुझाव दिनुभयो । बालिकाहरूले कम्तिमा पनि आफ्नो विवाह गर्ने उमेर पुरा नभएसम्म विवाह नगर्नका लागि अभिभावकलाई दबाव दिनुुपर्ने बताउँदै घरभित्रैबाट अभियान सुरु गरी बाहिर आउनु पर्ने दीक्षितले बताउनुभयो ।

बालविवाह स्थगित गर्ने अगुवाललाई सम्मान गर्न  संयूकत राष्ट्रसंघीय विकास कार्यक्रमले आयोजना गरेको कार्यक्रममा बोल्दै विद्यालयका प्रधानाध्यापक पेशकार सिंहले बालविवाहका कारण कतिपय विद्यार्थीले परिक्षा छाड्ने गरेको जानकारी दिनुभयो ।

नेपाल पत्रकार महासंघ बाँकेका अध्यक्ष रुद्र सुवेदीले संचार माध्यमबाट आफूहरूले समाजका अपराध, कुसंस्कार, सामाजिक समस्यालगायतका विषयमा समाचार प्रकासन प्रसारण गर्दै आएको बताउनुभयो ।

इलाका प्रहरी कार्यालय भगवानपुरका इन्चार्ज किरण पोखरेलले समाजमा जरो गाडेर बसेको बालविवाहका लागि अझै प्रयास हुनुपर्ने बताउनुभयो ।  बालविवाहका कारण पािरवारिक समस्या शारीरिक समस्या, विकृतिलगायतको अवस्था उत्पन्न हुने गरेकोले यसकाविरुद्ध खुलेर काम गर्न सहभागीहरूलाई  उहाँले अनुरोध गर्नुभयो ।  यसअघि प्रहरी र नागरिक समाज मिलेर चलाएको संयुक्त अभियानमा बाँकेमा ९ वटा बालविवाह हुने क्रममै रोकिएका थिए ।

यसै बालविवाहविरुद्ध प्रभावकारी भुमिका निर्वाह गरेको भन्दै युएनडीपीले बाँकेको मटेहियाका दुईजनालाई सम्मान गरेको छ । बालविवाह रोक्न जन्ति समेतलाई थुनामा हालेर कारवाही गर्ने इलाका प्रहरी कार्यालय भगवानपुरका इन्चार्ज किरण पोखरेल र विवाह स्थगित गर्ने अभिभावकहरू  मध्ये मटेहिया गाविसका  रामयश यादवलाई  सम्मान गरिएको हो । यादवले आफ्नी उमेर नपुगेकी छोरीको विवाह गर्ने तर्खर गरिरहेका बेला अभियान सक्रिय हुँदा विवाह स्थगति भएको थियो ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: