बालिकाले सोधिन् : के बालविवाह अन्त्य गर्न हामी एकजुट हुन्छौँ त ?


प्रकाशित मिति :2016-03-23 16:28:12

महिला खबर

काठमाडौं। काठमाडौंमा भइरहेको दोस्रो बालिका सम्मेलनलाई कालीकोटकी १५ वर्षीया बालिका राधिका बुढाले किशोरीहरूका तर्फबाट सम्बोधन गरिन्। उनले भनिन् ‘नेपालको कानुन अनुसार बाल विवाह गर्न पाँईदैन। र पनि भईरहेको छ। कस्तो नमज्जा !’ ‘हाम्रो देशमा लैङ्गिक असमानता र छोरीको महत्व कम देख्ने सामाजिक परिपाटीका साथै गरिबी, अशिक्षा र असुरक्षाको भावनाले बाल विवाहलाई मलजल पुर्‍याईरहेको छ ‘ उनले भनिन्।

Radhika e

विविध जातजाति र संस्कृति रहेको नेपाली समाजमा बाल विवाह र बालिकामाथि हुने दुर्व्यवहारको अवस्था पनि फरक भएको उनले बताइन्।

सम्बोधनमा उनले भनिन् ‘पश्चिमका कतिपय जल्लाहरूमा महिनावारी भएका समयमा हामीलाई छाउपडीका नाममा अँध्यारो गोेठमा राखिन्छ भने तराईका जिल्लामा दाईजो कम लाग्ने भन्दै छिट्टै विवाह गरेर पठाईन्छ। हामी छुई हुनु अगाडी नै हामीलाई कन्यादान गर्‍यो भने पुण्य पाईने विश्वासले हाम्रो छिट्टै विवाह गरिन्छ। यी सबै अन्धविश्वास र कुरीतिको अन्त्य गर्नुपर्छ।’

Breaker

बालिकाहरूको जिवनका विकल्प तथा अवसरहरूको सही छनौट गर्न, आत्मसम्मान र आत्म गौरवको भावना विकसित गर्न आफूहरूको क्षमता विस्तार गर्नुपर्ने उनले बताइन्। ‘सशक्तीकरणको एउटा महत्वपुर्ण पाटो गुणस्तरिय शिक्षा हो। त्यसैले विद्यालयमा बालमैत्री वातावरण हुनु पर्छ’ उनले भनिन्।

बाल विवाहका कारण के हुन् र यसको अन्त्यको लागि के के गर्नुपर्छ भन्ने कुराको पहिचान गर्न १५ जिल्लामा जिल्ला गरिएको परामर्श भेला र अन्तरपुस्ता संवादमा सरोकारवालाहरूसँग आफूहरूले प्रश्न सोधेको उनले बताइन। यसक्रममा सरोकारवालाहरूले यसको अन्त्यका लागि धेरै प्रतिबद्धता जनाए। मेरो आशा छ कि यी प्रतिवद्धताहरु कार्यान्वयन हुने छन्।
सम्बोधनको अन्त्यमा उनले सम्मेलनमा सहभागी सवैलाई प्रश्न गरिन् ‘के हामी सबै बालविवाह अन्त्य गर्न एकजुट हुन्छौँ त?’

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: