दार्चुलामा एक रुपैयाँ सहयोग अभियानकाे तयारी


प्रकाशित मिति :2016-03-28 11:26:27

नरेन्द्रसिह कार्की
दार्चुला। जिल्ला अस्पताल दार्चुलामा रगत अभावका कारण शल्यक्रिया सेवा दिन समस्या भएपछि रक्तसञ्चार केन्द्र स्थापनाका लागि रकम संकलन अभियान थालिने भएको छ । जिल्ला अस्पताल दार्चुलाको पहलमा सर्वसाधारणबाट एक रुपैयाँ दान संकलन अभियान थाल्ने अस्पताल व्यवस्थापन समितिका अध्यक्ष नगेन्द्र तिंकरीले बताउनुभयो।

आवश्यक मात्रामा रगत नहुँदा गत भदौदेखि सञ्चालनमा आएको निःशुल्क प्रसूति सेवा केन्द्रमा समेत समस्या परेका कारण यस्तो अभियान सुरु गर्न लागिएको उहाँको भनाइ छ। सञ्चार केन्द्र स्थापनाका लागि सरकारी कर्मचारीबाट एकदिनको तलब बराबरको रकम संकलन गरिने छ।  यसै हप्ता सर्वपक्षीय बैठक बसाली औपचारिक रुपमा रक्त सञ्चार केन्द्र स्थापनाको अभियान थालनी गरिने तिंकरीले बताउनुभयो।

जिल्लामा रक्तसञ्चार केन्द्रको स्थापनाबिना विभिन्न शल्यक्रिया शुरु गरिएपछि अहिले समस्या देखिएको हो। निःशुल्क प्रसूति केन्द्र सञ्चालनसँगै आकस्मिक प्रसूति तथा नवजात शिशु स्याहार केन्द्र पनि सञ्चालनमा छ। अस्पालमा केन्द्र सञ्चालन भएपछि जटिल समस्या गर्भवतिको शल्यक्रिया गरी बच्चा निकाल्नुपर्ने भएकाले रक्तसञ्चार केन्द्रको आवश्यकता रहेको अध्यक्ष नगेन्द्र तिंकरी बताउँनुहुन्छ ।

‘धेरैजसो शल्यक्रियामा रगतको खाँचो हुने गर्छ’, उहाँले भन्नुभयो। जिल्ला अस्पतालमा रक्तसञ्चार केन्द्र नभएर आवश्यक पर्दा रगत उपलब्ध हुन सकेको छैन। यसअघि यहाँ शल्यक्रिया गर्न विशेषज्ञ र अन्य साधनस्रोत नहुँदा धनगढी, नेपालगञ्ज, भारतको पिथौरागढ लगायतका ठाउँ जानुपर्ने बाध्यता भने हटेको छ।

जिल्लाबाहिरबाट शल्यक्रिया गर्न अन्तिम अवस्थामा जानु पर्दा कतिपय आमा र शिशुले अकालमै ज्यान गमाउनु परेको थियो। निःशुल्क प्रसूति सेवा केन्द्र सञ्चालनमा आएसँगै शल्यक्रियाबाट बच्चा जन्माउन अन्य जानुपर्ने समस्याबाट मुक्ति पाएको छ। जिल्लामा केन्द्र स्थापनाको लागि अस्पताल व्यवस्थापन समितिका अध्यक्ष नगेन्द्र तिंकरीको अध्यक्षतामा सहयोग समिति गठन भइसकेको छ।

सोही समितिलाई पूर्णता दिएर अघि बढिने उहाँले जानकारी दिनुभयो। समितिमा उद्योग वाणिज्य संघ, निर्माण व्यवसायी संघ, नेपाल रेडक्रस सोसाइटी, गैरसरकारी संस्थाको तर्फबाट अशोक ओझालगायतका सदस्य रहेका छन्।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: