प्रहरीद्वारा बैदेशिक रोजगारीमा गएका १९ जना महिलाको उद्धार


मानव बेचविखनसम्बन्धि ५ वटा मुद्दा दर्ता

प्रकाशित मिति :2016-03-29 15:33:27

निर्मला भट्ट
नेपाल प्रहरीको टेकुस्थित अपराध महाशाखाले दुई महिनाको अवधीमा मानब बेचविखन सम्वन्धी ५ वटा मुद्दा दर्ता गरि कारवाही प्रक्रिया अगाडी बढाएको छ। २ महिना अघि शुरु गरेको मानब बेचविखन तथा ओसारपोसार सम्वन्धी ईकाइमा परेका १ सय १८ उजुरी मध्ये ५ वटामा मुद्दा दर्ता गरी कारवाही प्रक्रिया अगाडी बढाईएको महाशाखाका प्रहरी नायव उपरिक्षक मुकुन्द मरासिनीले जानकारी दिनुभयो।

महिलालाई आकर्षक बैदेशिक रोजगारी मिलाइदिनेलगायत विभिन्न प्रलोभनमा पारेर भारत मकाउ, कुवेत, ओमन र दुवई र खाडीका अन्य देशमा पुर्‍याईएको र यौन शोषणदेखि विभिन्न यातना दिएको पाईएको उहाँको भनाई छ।

दर्ता गरिएका मुद्दामा १४ जना महिला पीडित छन् र बेचविखन कार्यमा संलग्न ८ जनालाई पक्राउ गरी कारवाही प्रक्रिया अगाडी बढाईएको प्रहरी नायव उपरिक्षक मरासिनीले जानकारी दिनुभयो।

त्यस्तै महिला बालबालिका सेल अन्तर्गत परेको एउटा बालविवाहको उजुरीमा पनि मानब बेचविखन अन्तर्गत मुद्दा चलाईएको छ। सो अवधीमा बैदेशिक रोजगारीमा गएर विभिन्न समस्यामा परेका ५८ जनाको उद्धार गरिएकोमा ३९ जना पुरुष र १९ जना महिला छन्।

उद्धार गरिएकाहरूमा दलालबाट ठगिएर विदेश पुगेका, भने अनुसार काम नपाएका, नक्कली कागजातबाट जान नपाउने देश गएर यौन हिंसा लगायत शारिरीक र मानसिक पीडा पाएकाहरू छन्। प्रहरीको यस ईकाइमा परेका उजुरीमा जम्मा ३ सय ६३ जना पीडित छन्।

आफ्नो क्षमता र काम, आफू जाने देश, तलव, मेनपावर कम्पनी र एजेन्टका बारेमा बुझेर मात्रै बैदेशिक रोजगारीमा जान मरासिनीको सुझाव छ। रोजगारीको प्रलोभनमा महिला बेचविखन बढेकाले सवैलाई विश्वास नगर्न, घर परिवार र जानेबुझेकासँग सल्लाह गर्न, प्रहरीसँग कुनैपनि झुटा कुरा नगर्न उहाँ सुझाव दिनुहुन्छ ।

    Comment Here!

Related NEWS
मुख्य खबर

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

Read more
ताजा अपडेट
© 2015.All rights reserved by mahilakhabar.com
%d bloggers like this: