हाजिरी नपुग्दा दार्चुलामा ५५ छात्राले एसएलसी परिक्षा दिन नपाउने


प्रकाशित मिति :2016-03-30 14:58:37

नरेन्द्रसिह कार्की

दार्चुला। चैत १८ गतेबाट सञ्चालन हुने यस वर्षको एसएलसी परीक्षामा दार्चुलाबाट सहभागी विद्यार्थीमध्ये १ सय ९ जना विद्यार्थी परीक्षा दिन नपाउने भएका छन्। जसमा ५५ छात्रा र ५४ छात्र रहेका छन्।

परीक्षामा सहभागी हुनका लागि विद्यार्थीले कम्तीमा पनि ७५ प्रतिशत विद्यालयमा हाजिरी भएको हुनुपर्ने प्रावधान अनुसार ती विद्यार्थी परीक्षा दिनबाट वञ्चित भएको जिल्ला शिक्षा कार्यालयका विद्यालय निरीक्षक एवं परीक्षाफाट इन्चार्ज जयदेव महराले बताउनुभयो।

एसएलसी परीक्षाका लागि दार्चुलाका ७१ वटा माध्यमिक विद्यालयबाट आवेदन भरेका एक सय ९ जना विद्यार्थी हाजिरी नपुगेका, विद्यालय छाडेका कारण परीक्षा दिनबाट वञ्चित भएको जिल्ला शिक्षा कार्यालय दार्चुलाले जनाएको छ। यस वर्ष नियमिततर्फ २ हजार ६ सय ९० जना विद्यार्थीले परीक्षामा सहभागिता जनाउने छन्। यस्तै आंशिकतर्फ १ हजार ७ सय ५६ विद्यार्थी सहभागि हुने महराले बताउनुभयो। यस वर्ष जिल्लामा १५ वटा परीक्षा केन्द्र निर्धारण गरिएको छ।

यसैगरी परीक्षाको लागि नमूना उमावि खलंगा केन्द्रमा ३ सय २० नियमित र आंशिकतर्फ १ सय ९६ गरी ५ सय १६ जना विद्यार्थी परीक्षामा सहभागि हुने भएका छन्। यसैगरी दोस्रो बढि विद्यार्थी सहभागि हुने परीक्षा केन्द्र गोकुलेश्वर उमावि गोकुले रहेको छ। गोकुलेश्वरमा नियमिततर्फ २ सय ५५ र आंशिकतर्फ २ सय २४ जना गरी ४ सय ७९ जना विद्यार्थी सहभागी हुँदैछन्।

जिल्लाको सबै भन्दा कम विद्यार्थी मावि बारबाजमा नियमिततर्फ ७८ र आंशिकतर्फ ७८ गरी १ सय ५६ विद्यार्थी सहभागी हुने जिल्ला शिक्षा कार्यालय दार्चुलाले जनाएको छ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: