दायरा बढाउन पत्रकार महिलालाई सम्पादकहरूको सुझाव


प्रकाशित मिति :2016-04-01 16:11:34

महिला खबर
DSC_0762काठमाडौं । सञ्चारिका समूहले सञ्चालन गरेको चार महिने पत्रकार प्रशिक्षण तालिम आज सकिएको  छ । सञ्चारिका समूहले आयोजना गरेको समापन कार्यक्रममा सहभागी सम्पादकहरूले क्षमता बढाउन आफ्नो दायरा पनि फराकिलो बनाउनुपर्ने सुझाव दिए । उनीहरूले तालिमसँगै अध्ययन र जनसम्पर्क पत्रकारका लागि अति आवश्यक भएको बताएका थिए ।

कार्यक्रममा बोल्दै नागरिक दैनिकका सम्पादन गुणराज लुईटेलले प्रशिक्षण कार्यक्रमले महिला पत्रकारको क्षमता अभिवृद्धि गर्ने भएकाले यस्ता कार्यक्रम सञ्चालन गर्न आवश्यक रहेको बताउनुभयो । समाचार आफ्नो वरिपरी हुने भएकाले समाचार खोज्ने आफ्नो दृष्टिकोणको विकास गर्न सम्पादक लुईटेलले सुझाव दिनुभयो ।

त्यस्तै हिमाल खवरपत्रिकाका सम्पादक किरण नेपालले तालिम सँगसँगै आफ्नो क्षमता अभिवृद्धि गर्नका लागि समसामयिक पुस्तक पढ्दै बौद्धिक व्यक्तित्वसँगको भेटघाटलाई बढाउन महिला पत्रकारलाई सुझाव दिनुभयो ।

राजधानी दैनिकका सहायक सम्पादक गणेश बस्नेतले मोफसलमा बसेर काम गरेका महिला पत्रकारलाई काठमाडौंका मुलधारका पत्रिकामा अवसर दिँदा उनीहरूको क्षमता वृद्धि गर्न सहयोग पुग्ने विश्वास व्यक्त गर्नुभयो ।

मंसिर १५ देखि सुरू भएको कार्यक्रम आज समापन भएको हो । चार महिने प्रशिक्षण कार्यक्रममा विभिन्न जिल्लाको पाँच जना महिला पत्रकार सहभागी थिए । मोफसलमा बसेर काम गर्ने महिला पत्रकारलाई मुलधारका सञ्चारमाध्यममा काम गराई उनीहरूको क्षमता अभिवृद्धि गर्ने उद्देश्यले उक्त कार्यक्रम सञ्चालन गरिएको हो । काठमाडौंबाट प्रकाशित हुने मुलधारका पत्रिकाहरू कान्तिपुर, नागरिक, राजधानी र नयाँ पत्रिका दैनिकका साथै हिमाल खवरपत्रिका र महिला खवर डटकममा रहेर पत्रकार महिलाले पत्रकारिताको अभ्यास गरेका छन् ।

समापन कार्यक्रममा नयाँ पत्रिका दैनिकका समाचार प्रमुख खगेन्द्र पन्त र वरिष्ठ पत्रकार तथा प्रशिक्षक मोहन मैनालीलगायतका व्यक्तिहरू बोल्नु भएको थियो । सञ्चारिका समूहले  तीन चरणमा गरेर अहिलेसम्म १५ जना पत्रकार महिलालाई यस्तै प्रशिक्षणको अवसर दिएको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: