रहरको बाटो काँडा पन्छाउँदै


प्रकाशित मिति :2016-04-04 14:59:35

जव चूनौतीहरू अवसर खोज्ने बाटोको काँडा सम्झिन्छ । तब रहरको बाटो काडा पन्छाएर अगाडि बढिन्छ, त्यसपछि यात्रा रमाइलो र सहज बन्छ ।

वसन्ती बास्तोला

कास्की आवाज दैनिकका अध्यक्ष सरुस्वती गुरुङ

कास्की आवाज दैनिककी अध्यक्ष सरुस्वती गुरुङ

शिक्षण पेशा छोेडेपछि विकल्पकोरुपमा रोजिएको रेडियोकर्मीको परिचयले यति ठुलो स्थान पाउला जस्तो पोखराकी सरुस्वती गुरुङलाई लागेको थिएन । युवामञ्च र रेडियो अन्नपुर्णको यात्रा आएर कास्की आवाज दैनिकको अध्यक्षमा आइपुगेको छ । महिला पत्रकार र सञ्चारकर्मीले काम गरे पनि तल्लो तहमा मात्र भइरहेको अवस्थामा उनी एक मात्र महिला अध्यक्ष हुन दैनिक पत्रिकाको । कर्मचारीको रुपमा भन्दा आफ्नै मिडिया भए आफूलाई लागेका कुरा जोडतोडले उठाउन सकिन्छ भन्ने उनलाई लाग्यो । त्यसपछि ४ वर्ष अघि साप्ताहिकको रुपमा खोलिएको पत्रिका ३ वर्षयता दैनिक बनेको छ ।

पत्रकारिताले धेरै राम्रा र नराम्रा कुरा बुझ्ने बनायो  र यो बुझाई अरुलाई सिकाउन सजिलो बन्यो । एउटा कर्मचारी हुनु र १६ वटा पत्रिकासँग दैनिक प्रतिस्पर्धा गर्नु । कर्मचारीलाई समयमै तलव दिनु । पत्रिकाको गुणस्तरदेखि विज्ञापनसम्म ध्यान दिनु कम चुनौती होइन । यहि चुनौतीका विच थुप्रै संभावना खोजेर अगाडि बढेकी गुरुङलाई लाग्छ यस्मा छुट्टै मजा छ ।

जुन वर्ग जहाँ छ त्यसैको पक्षमा आवाज उठाउन सक्ने मिडियाको खुवी हो । प्राकृतिक कुराले नै महिलालाई केही साँगुरो बनाइएको छ । यसो भन्दैमा महिलाले पुरुषले भन्दा बढी गर्न सक्दैनन् भन्ने हैन । गुरुङले भनिन ‘हामीले एक अर्काको क्षमतालाई कदर गर्नसक्नुपर्छ ।

अप्ठ्यारोमा रमाउँदै समस्याको समाधान खोजेर बाधा हटाउँदै खुला मैदानमा पुग्नुको आनन्द जसले जोखिम मोलेको छ उसले मात्र लिन पाउँछ । सञ्चारकर्मी र माध्यम दुबैप्रति सर्वसाधरणको भरोसा बलियो  पाटो मान्छिन् उनी । एउटा आम व्यक्ति हुनु र मिडियाकर्मी बनेर उठाएका आवाज, जुटाएको राहत धेरै गुणा राम्रो हुन्छ । सञ्चारमाध्यमममा काम गर्नेले पारिश्रमिक नै नपाउने भन्ने कुरा भइरहँदा उनले आफ्नो रेडियोमा काम गर्ने कमृचारीलाई पहिला नै एडभान्स दिने गरेको बताइन् । घरमा आपत विपत पर्दा कर्मचारी उनीसँग आर्थिक सहयोग माग्न असहज मान्दैनन् । भनिन् ‘काम गरेर आएको मानिसले खोल्नुको फाइदा कर्मचारीलाई हुन्छ हामीले कर्मचारीको समस्या भोगेर आएका छांै ।’ व्यक्तिगत खाताबाट होस या खोजेर तलव समयमै दिनुपर्छ भन्ने ज्ञान छ उनमा ।

सफलता एफ.एमकी अध्यक्ष दुर्गा अधिकारी

सफलता एफ.एमकी अध्यक्ष दुर्गा अधिकारी

आर्थिक कारोवार पुरुषकै हातमा हुने कारण, महिलालाई प्रमुख राख्दा पुरुषले सजिलो अनुभव नगर्ने र पित्तृसत्तात्मक सोचको कारण महिला जिम्मेवार पदमा कम पुगेका छन् । तिनै मध्येकी एक हुन दुर्गा अधिकारी । संवाददाताबाट काम सुरु गरेर कास्की कै सफलता एफ.एमकी अध्यक्ष बनेकी उनले यसविचमा थुप्रै आरोहअवरोह भोगिन् । उनले रेडियो चलाएको ५ वर्ष भयो ।

२०५९ सालमा सञ्चार दर्पणबाट पत्रकारिता सुरु गरेकी उनले हिमचुली, तरङग र पर्वतमा रहेको दिदीबहिनी एफ.एममा स्टेसनम्यानेजर हुँदै उनले अध्यक्षको यात्रा तय गरेकी हुन् । समाज परिवर्ततनमा रेडियोको भूमिका ठुलो हुने देखेर रेडियो खोलेकी अधिकारी भन्छिन् ‘यसले मलाई जहाँ गए पनि समस्याको समाधान गरेर अगाडि बढ्न सिकायो ।’ उनलाई लागेको छ महिलाले पनि रेडियो चलाउन सक्दा रहेछन् । आफूले गरेको काममा सन्तुष्टि पाएको अनुभव छ दुर्गालाई । समय दिने, दिनप्रतिदिनका घटनामा अपडेट हुने र सक्छु भन्ने आत्मविश्वास हुने हो भने महिला भएर अवसरबाट बञ्चित हुनुनपर्ने दुर्गाको भनाई छ ।

   सफलता एफ.एमकी अध्यक्ष दुर्गा अधिकारी

रेडियाे जननीकी स्टेसन म्यानेजर विमला भण्डारी

यो कुरामा सहमत छिन रेडियो जननीकी स्टेसन म्यानेजर विमला भण्डारी । १३ वर्ष अगाडि रेडियो कार्यक्रमबाट सञ्चार क्षेत्रमा आइपुगेकी उनले माछापुच्छ्रे, अन्नपुर्ण, पोखरा, बराही हुँदै जननीसम्म आइपुगेकी हुन् । एक्लै सानो ठाउँमा बोल्नुभन्दा सञ्चारमाध्यमबाट आफ्ना कुरा बोल्नुपर्छ भन्ने मान्यताले उनलाई सञ्चारकर्मी बनाएको हो । महिलाले गर्न सक्छन् र ? भन्ने स्वरहरू बेला–बेला नसुनिने होइन । तर, महिलाले गरेको कामले रेडियो चर्चित हुँदै छ । नामका लागिमात्र रेडियो खोल्ने नभई यसले थुपै सपना पुरा गर्नको लागि काम गरे, अवसर भएको उनको अनुभव छ । सञ्चारमाध्यमले धेरै कुरा सिकाउने कारण महिलाको लागि यस्मा धेरै संभावना भए पनि अझै विश्वास कम गर्ने कारण महिलाले जिम्मेवार पद नपाएको उनी मान्छिन् ।

 माछापुच्छ्रे एफ.एमको स्टेशन म्यानेजर कञ्चन थापा

माछापुच्छ्रे एफ.एमकी स्टेशन म्यानेजर कञ्चन थापा

पद पाएकाले राम्रो काम गरेको कारण अहिले महिलालाई जिम्मेवार पद दिन थालिएको छ । यस्तै जिम्मेवार पदमा छिन् कञ्चन थापा । एफ.एममै थुपै उपहार आउँथे । चिठ्ठी त पढेर सकिँदैनथ्यो । १५ वर्ष अगाडिको कुरा सम्झँदा कञ्चनलाई अहिले सपना देखे जस्तो लाग्छ । भनिन् ‘पसलमा सामान किन्न जादा समेत मानिसले स्वर चिन्थे ।’ केही कार्यक्रम सञ्चालन गर्दा उनी आफैँलाई हावादारी काम लाग्थ्यो । त्यसबेला कार्यक्रम सञ्चालक हुनु र अहिले माछापुच्छ्रे एफ.एमको स्टेशन म्यानेजर हुनुमा अचम्मको फरक छ । माछापुच्छ्रे, इमेज, जननी, सुनौलो हुँदै पुन माछापुच्छ्रे एफ एमको स्टेशन प्रमुखको यात्राले उनलाई धेरै जिम्मेवार र परिपक्व बनाएको छ ।

उनको लागि मात्र हैन कर्मचारीदेखि, सर्वसाधरण र रेडियोको समग्र जिम्मेवारीमा उनी जवाफदेही हुनुपर्छ । उनलाई लाग्छ घर राम्रो व्यवस्थापन गर्न सक्नेले कार्यालय किन सक्दैनन ? यहि सोचेर पनि पछिल्लो समय महिलालाई जिम्मेवार पदमा विश्वास गरिएको हो । घर, परिवारदेखि स्टाफसम्मलाई नचिढ्याई व्यवस्थापन गर्न सक्नु सानो काम होइन ।    यही काममा पोख्त हुँदैछन धेरै महिला ।

महिलालाई त पत्रकार हो भनेर विश्वास गर्ने वतावरण नभएको समयमा काम गरेर यी पत्रकार महिलाले जिम्मेवार पदमा पुग्न धेरै चूनौती खेप्नु पर्‍यो । ती चूनौतीलाई उनीहरू अवसर खोज्ने बाटोको काँडा सम्झन्छन् । जव रहरको बाटो काडा पन्छाएर अगाडि बढिन्छ त्यसपछि यात्रा रमाइलो र सहज बन्छ ।

    Comment Here!

Related NEWS
मुख्य खबर

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

महिला

-वसन्त आचार्य- गरेर परिवारको हेरचाह, राख्द छिन् ख्याल अरुको पनि, जहाँ देखिन्छन् चोटहरु, उहीँ पुग्दछिन् मलम बनी

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

Read more
© 2015.All rights reserved by mahilakhabar.com
%d bloggers like this: