मुस्लिम तथा मधेसी समुदायमा वालविवाह


प्रकाशित मिति :2016-04-17 15:49:26

महिला खबर

नेपालगन्ज। नेपालगन्ज उपमहानगरपालिका इन्द्रपुरका मुस्लिम तथा मधेसी समुदायका १० प्रतिशत बालिकाको उमेर नपुगी विवाह हुने गरेको एक अध्ययनले देखाएको छ। नेपालगन्जस्थित फातिमा फाउन्डनेसनले इन्द्रपुरमा गरेको सर्वेक्षणबाट त्यस गाउँका बालिकाको १२ देखि १४ वर्षको उमेरमै विवाह हुने गरेको पाइएको छ।

करिब १० हजार जनसंख्या रहेको इन्›पुरमा बालिका विवाह हुनुमा परिवारको कमजोर आर्थिक अवस्था हुनुलाई प्रमुख आधार बताइए पनि अभिभावकमा शिक्षाप्रति खासै चाख नहुनु, रुढीवादी संस्कृति र छोरीलाई कम उमेरमा विवाह गरे धर्म कमाइन्छ भने पुरातनवादी अन्धविश्वासले पनि जरो गाडेको उक्त सर्वेक्षणका क्रममा पाइएको फाउण्डेसनले जनाएको छ।

यिनै कुरालाई दृष्टिगत गरी फातिमा फाउन्डेसनले सो गाविसका अभिभावक, शिक्षक, बालिका, नागरिक समाजका अगुवा, अधिकारकर्मी तथा सरोकारवाला निकायका पदाधिकारीलाई एकै थलोमा राखेर बालिका विवाह रोक्न बालिका शिक्षाको विषयमा सम्वाद कार्यक्रम सञ्चालनको अभियान नै थालेको जनाएको छ ।

अभियानले ती पक्षबीच साझा अवधारणा तयार गर्न मद्दत पुर्‍याउनुका साथै लैङ्गिक विभेद्लाई दुरुत्साहित गर्न, महिलामाथि कुनै पनि प्रकारको हिंसा गर्न हुँदैन भन्ने चेतनास्तर क्रमशः बढदै गएको संस्थाका कार्यबाहक अध्यक्ष मैमुना सिद्धिकी बताउनुहुन्छ ।

संस्थाले बाँके जिल्लाको परशपुर, जैसपुर, खजुराखुर्द, पुरैना, पुरैनी, उदयपुर, गनापुर, रझेना, कोहलपुर, मनिकापुर र नेपालगन्ज नगरको गोसाइँ गाउँमा बालिका शिक्षा, बालिका विवाह तथा घरेलु हिंसाविरुद्ध जागरण अभियान सञ्चालन गर्दै आएको छ।

सिद्धिकीका अनुसार कार्यक्रम सञ्चालनपछि विस्तारै अभिभावकमा बालिका तथा किशोरी अवस्थामा विवाह गर्न हुन्नभन्ने सोचको विकास हुन थाले पनि रुढीवादी परम्परा, गरिबी तथा विकासको पूर्वाधार गाउँमा पुग्न नसक्नुले परिवर्तन सहज हुन अझै धेरै समय लाग्ने देखिन्छ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: