कैलालीमा आङ खस्ने समस्या बढ्दो


प्रकाशित मिति :2016-04-18 12:43:19

खेमा बस्नेत
कैलाली । कैलाली जिल्लामा ३० वर्ष उमेरमाथिका महिलाहरूमा आङ खस्ने (पाठेघर खस्ने) समस्या बढेकोे पाईएको छ । जिल्ला जनस्वास्थ्य कार्यालय र स्वास्थ्य विभागले कैलालीमा गत माघ २० गतेदेखि चैत २७ गतेसम्म जिल्लाका ६ वटा गाविसमा सञ्चालन गरेको आङ खस्ने समस्याको  निःशुल्क स्वास्थ्य शिविरमा उपचारका लागि आएका मध्ये ३० वर्ष उमेरमाथिकका महिलामा सो समस्या देखिएको जिल्ला जनस्वास्थ्य कार्यालय कैलालीकी नर्स तारादेवी तामाङले बताईन् ।

‘पहिलो प्रकारको आङ खस्ने समस्यामा पाठेघर तल झर्दा पाठेघरको बाह्य मुखको हड्डीको भित्री चुच्चोभन्दा तल आइपुग्छ’ आईतबार तामाङले भनिन्– पाठेघरको बाह्य मुख योनीद्वारसम्म आइपुग्नु यस समस्याको दोस्रो चरण हो ।

उनका अनुसार समस्याको तेस्रो चरणमा पाठेघरको बाह्य मुख योनीद्वारभन्दा बाहिर निस्किन्छ । त्यस्तै चौथो चरणमा पाठेघर पूरै योनीद्वार बाहिर आइपुग्छ । यो समस्यासँगै अगाडिपट्टिको पिसाब थैली र पछाडिपट्टिको आन्द्रा तथा मलद्वार पनि झोलिन सक्छ ।

दोस्रो चरणको आङ खस्ने समस्यासम्म अवस्था हेरी चुरा (रिङ पेसरी) लगाएर ठिक गर्न सकिने र तेस्रो चरणदेखिको समस्यालाई शल्यक्रियाको जरुरत पर्ने उनले बताईन् ।

जिल्ला जनस्वास्थ्य कार्यालयले कैलालीको महोन्याल, सुगरखाल र लालबोझीमा तथा स्वास्थ्य विभागले गोदावरी, चुहा र बौनिया गाविसमा निःशुल्क स्वास्थ्य शिविर सञ्चालन गरेको थियो । ती शिविरमा चार सय आठ जना महिलाले उपचार गराएकोमा ४४ जना महिलालाई शल्यक्रिया गर्नुपर्ने र ८२ जना महिलामा रिङ पेसरी राखिएको उनले बताइन् ।

नर्स तारादेवीका अनुसार महोन्याल शिविसमा ६५ जनाले सेवा लिएकोमा सात जनालाई शल्यक्रिया गर्न ल्याइएको र १३ जनामा रिङप्रेसर राखिएको छ । त्यस्तै, सुगरखालमा ६९ जनाले सेवा लिएकोमा १३ लाई शल्यक्रियाका लागि ल्याइएको र नौ जनामा रिङ पेसरी राखिएको छ भने लालबोझीमा ९० जनाले सेवा लिएकोमा छ जनालाई शल्यक्रिया र १२ जनामा रिङ पेसरी राखिएको छ ।

त्यस्तै, गोदावरी गाविसमा ६५ जनामध्ये १२ जनालाई शल्यक्रियाका लागि ल्याइएको छ भने २० जनामा रिङ पेसरी राखिएको छ । त्यस्तै, चुहा शिविरमा उपचारका लागि आएका ५३ महिलामध्ये पाँच जनालाई शल्यक्रिया गर्नुपर्ने र सात जनाको पाठेघरमा रिङ पेसरी राखिएको छ । बौनिया शिविरमा उपचार लिन आएका ६६ महिलामध्ये छ जनालाई शल्यक्रिया गर्नुपर्ने र १५ जनाको रिङ पेसरी राखिएको जनस्वास्थ्य कार्यालयले जानकारी दिएको छ ।

सानो उमेरमा विवाह गर्ने, उमेर नपुगी सुत्केरी हुने,  सुत्केरी अवस्थामा गह्रुंगो काम गर्ने महिलामा धेरैजसो आङ खस्ने समस्या देखिने गरेको उनले बताइन् ।

त्यस्तै, वर्षेनी बच्चा जन्माउने, सुत्केरी अवस्थामा स्याहार नपाउने, पोषणयूक्त खाना नपाउने लगायतका समस्याले पनि महिलामा आङखस्ने समस्या बढेको उनले बताइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: